بس الي عيالهم دبدوبين (بنتي عمرها 8 شهور )ومدري وش اعطيها غير الحليب

السلام عليكم شوفى اختى انت لاتخبصيلها كثير بطنها تتعب يعنى اعطيها تمر مخفف بماء وقليل يعنى لرقم اثنين بالرضاعه واصبر عليها لاخر اليوم واعطيها زبادى ملعقتين صغار وكذا يصير توازن شئ يسبب امساك والاخر اسهال يعنى البطن اوكى
واعطيها عصيرات اكثر شئ وكلها طازجه يعنى فراوله ومانجو وجوافه وقمر الدين كرز وكذا وكلها مخففه بالماء وكميه قليله ومره فى اليوم كفايه السيرلاك امزجيه لها بالحليب وبالرضاعه
ولاتكثرى لاحقه ان شاء الله عالاكل واذا جلستم عالسفره ذوقيها فقط لالالالالالالالالاغير مو اكل لالالالا بس ذواقه عشان تعرف طعم الاكل ويحببها فيه لكبرت واعطيها خبزه صغيره تمصها او بسكوت شاهى وعادى لاتدققى امكن جسمها يطلع رشيق والاطفال يكبروا ويسمنوا بس الاهم الحركات تكون طبيعيه وابعدى عن الاكل المعلب غاااااااالى وبدون فائده تذكر ويسبب الامراض يعنى شفت بالسوبر ماركت من مولبا علبه زجاج فيها طعام سائل كالماتجوا مكتوب عليها ديك حبش بخلطة1!!!!!!استغفر الله والله قرف كيف لحم بعلبه ويجلس المده هذه كلها الا بالمواد الحافظه الهالكه ظ؟؟ وشمسى بنتك تقوى عظامها واى سؤال انا حاظره والبنات اكي عندهم افكار افضل
دعواتك لى بالعافيه

الله يعافيك على هالوصايا الحلوه

المشكله ان بنتي تغصص وماحب اعطيها خبز او بسكوت شاي اخاف عليها

والله حتى أنا محتارة تو بنتي داخلة الشهر السابع ودي بوصفات لطعام الطفل في هذي السن (وبالتفصيل الممل)
يعني الطريقة والكمية وعدد المرات في اليوم والبيض والزبادي واللحوم عادي في هذا العمر والاحظ إني
إذا أعطيتها تفاح مسلوق و مهروس أو خضار مسلوقة ومفرومة نص نص أو أي شي من هذا النوع تغص وترجع على طول هل هذا طبيعي ومتى يبدأ الطفل الأكل المهروس أواللين وليس المفروم ناعمالأن الناس تقول خلاص عوديها بدون فرم بس فرك أو هرس بسيط
وكم الوزن الطبيعي في هذا العمر .......وآسفة على كثر الأسئلة والإطالة ..............

حبيبتي انصحك خوذي نظام مناسب لعمرها من هنادي الجابر ..

ولاتيسين انا ولدي كذا يرفض ويكعشر من الاقل بس انا سمعت وحده تقول اقل شيء نحاول معاهم 10 ايام يبغالهم وقت لين يتقبلون ..

ومو لازم دايما يكمل وجبتها كامله عادي اهم شيء تتاقلم انها تاكل وعقب تتحسن ..


موفقه يالغاليه وان شاء الله يربربون عيالنا يارب ..

حبيبتي انا اقولك عن تجربتي مع بنتي كانت ماشاء الله جسمها مو مدبدب مره يعني حلو,,,بس كملت ست شهور بدت تنحف مرررة ماخليت شي غيرت من حليب الى حليب وفيتامينات وتمر وحلبه كنت اغليها شوي واحطها مع حليبها المهم تعبت كل هالأشياء مااثرت فيها وكل من شافها يقولي ليش بتك نحيفه حتى خلالالالالاص تعقدت يقولولي شكلك ماتهتمي فيها,,,شفتي القهر؟؟
المهم بس كملت سنه صرت استخدم لها حليب نيدو الله لايعيده سببلها نزله معويه,,,, قلت خلالالالالالالالالالاص باعطيها حليب المراعي اللي يجي طازه ثلاث ايام وينتهي اللي يجي في الثلاجة ,,,المهم وعليه من عمرها سنه الى الان عمرها سنه وثمانيه شهور ماشاء الله تبارك الله صارت مربربه وتجنن وصحتها الحمدلله,,, بس الناس مايعجبها العجب صاروا يقولون حرام عليكي انتبهي لبنتك بكره تجيها سمنه شكلك تاركتها للشغاله ماتدري وش توكلها,,,,, شفتي اشلون؟ بس الحمدلله اهم شي صحة بنتي