بشو تنصحوني

والله اتوقع انك ياقلبي تكثرين من اختلاطك بالناس وتكونين اجتماعيه اكثر ولما تروحين لاحد انتي اللي افتحي المواضيع اللي تسولفون فيها ((اي موضوع ))لحد ماتتعودين وشاركي بالمواضيع اللي تسمعينها ولو بالشئ البسيط...

والله يوفقك

حبيبتي mrooom حاولت اسوي هالشي ومرات ينفع واكون اوكي ، بس مب دايما اقدر ... فيه ناس صعب اني اختلط معاهم

شوفي قلبي المزح والسوالف والغشمره ماتصير الا مع الناس اللي مره قريبين منك
خواتك صديقاتك زوجك ..
بس يمكن هذا طبعك حبيبتي
أنتي مثل ماقالت مروومه إجتماعيه و خليك تلقائيه تكلمي عاادي خذي راحتك سولفي
بالذات انه مع زوجك يعني الوضع عااادي بيكون معك
أنتي شخصيتك حلوه هاديه ورزينه لكن الحياه تحتاج شوية ضحك مرح شوي
مو كلها جديه ياقلبي ..
الله يوفقك ياارب ويسسعدك

طبيعتي هادية مااعرف اتكلم وايد طبعا هالشي من وانا صغيرة .. مع اني احب ايلس مع الناس واسولف معاهم بس بعض المرات مااعرف شو اقول واحاول اني اندمج معاهم بس مااعرف ...... وشوي شخصيتي جادة ومااحب المياعة .....فيه ناس على بالهم اني ثقيلة طينة بس الله يشهد اني لا ثقيلة طينة ولا متكبرة بالعكس انا وايد متواضعة وعلى نياتي ......... وحاولت وايد اغير من طبعي بس ما قدرت

حتى مع زوجي مااعرف دوووم امزح وما اعرف اكون راعية سوالف ونكت وهو مثلي قليل السوالف والغشمرة ..


والله نفس حالتج والله يعيينا

حالتي مثلك تقريباً
بس ليش تقولين انها مشكلة
بالعكس هذي ميزة جميلة انه الانسان يكون محترم وخلوق وهاديء بتواضع طبعا موب بغرور ..

لازم نحب أنفسنا أختي ..