بصرآآحه هل تهاوشينـهم ؟

اكيد اذا كانت خدامه وتتلكع بشغلها ولاماتسوي ولاتستهبل يعنني مافهمت وكذا اكيد نكلمها بس اول شي تكلميها وتفهميها بدون ماتخاصميها واذا مافهمت وانتي عارفه انها بس كذا لعانه منها وتستهبل لانو هذا طبعهم اغلبهم فهميها مرا ثانيه بنبره حاده وخليك جاده معاها والمره الثالثه ايوا تخاصميها بس على حسب مو كل شي تخاصميها عليه في اشيا كبيره ماينسكت عليها وفي اشيا تمشينها
مثلا اختي شغالتها تقول مايجي اخر الشهر الا ودرج الملاعق فاضي تقول اسألها وين راحت تقول مدري تقول طلعت درزن ملاعق وحطيته وماكلمتها ع المره الاولى وتقول ويجي الشهر الثاني نفس الشي تقول ناقصه وتسالها وماتدري المهم قالتلها انا بطلع الحين دررن ولو نقصت وحده راح اخصمها من راتبك ولاعاد نقص شي يعني مايبغالهم الا العين الحمرا بس مو من اول شي يعني لازم تفهميها وتبينيلها ولو بنسكت لهم عز الله مشونا على كيفهم
مااقول غير الله يعين انا ماعندي شغاله بس اشوف اخواتي ومعاملتهم لهم

لاﻻمسسسسستحيل حتى اتكلم عليه ههه اخاف منهم يسون لى شئ

راعي البقاله اللي يجيب الاغراض طبعا مااهاوشه ولا ارفع صوتي عليه بأي حق اصلا

الشغاله اذا تتلكع ارفع صوتي ونص وثلاث ارباع للاسف مايمشون غير كذا جربت ولايجي 6 شغالات وبالبدايه كنت ادلع واعطي وامشي بعض الامور واشوف الوضع تطور للاهمال ولما صرت اعصب خلاص يخلصوا شغلهم وبالموت بعد

بالنسبه للسواق مااعصب ولاارفع صوتي استحي اهاوشه واعطي هالمهمه للزوجي وحتى زوجي يفهمه بدون عصبيه بالنهايه رجال والصراخ يكسره واصلا مهمته ماتوقع تستدعي انه يخلي احد يعصب عكس الشغاله لما تهمل البيت

راعي البقالة ما عمري طلبت شي ، زوجي يجيب الاغراض ، بس لو صار مالي دخل فيه لانه ما يشتغل عندي ، بس ما راح اطلب اغراض منه مرة تانية ،،

الخدامة انبهها مرة و اتنين و تلاتة لا ترفع صوتها و ما تقصر في شغلها و اذا اتجاوزت حدودها اهاوشها بس بدون اهانة او ضرب ،،،

السواق مالي دخل فيه ، اكلم زوجي يكلمه و يفهمه ،،،

لا ابدااااااا ماارفع
ينكسر قلبي يكفي انهم متغربين عشان الحاجه
لولا الحاجه ما اشتغلو اشغال بسيطه
تطبخ لي وتنظف لي ومحرومه من كل المتعه
مثل طلعات ولبس وكشخه ومال وحريه ونوم على مزاجها بس عشان كمن فلس تعيش فيهم عيالها واهلها
واجي انا وانازعها واهاوشها
الله لايقوله
بالعكس اعاملها احسن من اختي واذا تضايجت من احد من البيت اسير اهديها

تراها بالضبط نفسي تحس ولها مشاعر
يكفي انها جات لدار ماتعرف فيها شخص جات تلم الوسخ وتدش تطبخ بعز الظهر وتقوم من الفجر

وحتى راعي البقاله
اموووت ولا ارفع صوتي عليه تراه رجل وعنده كرامه بس الحاجه جابت راسه
تحصلينه بداره له كلمته واحترامه وكيانه
بس الله يهدي بعض الحريم
اذكر مره وحده مدري ع ايش تهاوش هندي اخر شي ضربته ع صدره
قمة قلة الادب
ولما راحت شفت الدمعه ع عينه
قال بقهررررر نفر خراب
تخيلت لو العكس لو ابوي او اخوي او ريلي متغرب ووحده تسوي فيه هالحركه

مهما كان هذيلا ناس ويحسوون باللي نحسه
يكفي متغربين وتاركين عيالهم سنين عشان لقمة العيش
عشان اشغال شبه مهينه
اليوم احنى لو وحده ماتشوف ولدها يومين تنهبل
فمبا بالنا بوحده سنوااات ماتشوفهم
تخليهم عيال سنه وترجع تشوفهم اربع سنين وخمس



المعدوه طولت وايد بس هالفئه تأثر فيني وايد
لاني اتخيل دايم لو كان العكس واحنى اللي نشتغل معاهم
كيف المعامله اللي ارضاها ع نفسي
او ابوي او اخوي او اختي لو تغربوا
الف الحمدلله على النعمه اللي احنى فيها