بصراحة....كيف تقضي يومك في رمضان....؟

انا عن نفسي ماشاء الله انا م 11 او 1مساء واصحى قبل الفجر نتسحر انا وزجي ثم يذهب للمسجد وانا اروح اصلي واقرا قران زوجي يرد ينا م وانا اذا كان فيني نوم انام لحد الساعة 9واقوم اعجن فطاير اوسمبوسة اوحلى ثم اصلي الضحى وارتب بيتي واغسل الملابس ومنثم اصلي الظهر واقرا القران ومن ثم اشيك على عالم حواء واصلي العصر اتابع فتاوىومن ثم للمطبخ اخبز الفطاير واعمل اللقيمات افطر على تمر وماء وبعد المغرب نفطر انا وزوجي نسولف شويوبعدها اصلي العشاء والترواويح واقرا قران واتحمم والبس واشيك على النت وانام واوقات اتاخر في النوم معليش قلت قصة حياتي

ام الشهيدة.....زالله يعطيكي العافية.......نظامك مرررررة حلو....منظمة وقتك
ماشاء الله لاقوة الا بالله......

انا انش من الرقاد الساعه 7.30 الصبح واتجهز حق الدوام اللي يبدى 8.30 ويخلص 2.30
اصلي الضحى والظهر في الدوام... وبعدين وانا سايره البيت اشغل قرآن واقرى ويا المقرئ لأني بديت حفظ القرآن الكريم من قبل رمضان ولله الحمد وإن شاء الله، ربي يكتبلي حفظه بالكامل إن شاء الله

وبما إني ساكنه في دبي وهي معروفه بازدحامها آخذ في الدرب ساعه تقريبا... واوصل البيت على الساعه 3.30 (حشى سفر) ويكون جريب آذان العصر... اصلي العصر وارقد لين الساعه 5.30 تقربيا وساعات انش قبل

اجهز اغراضي واغراض ريلي وارتب غرفتي (الصبح الخدامه ترتبها) ونسير بيت يده لأن كل اهله يتجمعون هناك على الفطور كل يوم... وهالشي هم متعودين عليه من سنين ما شاء الله عليهم (الله لا يفرقهم) بعد الفطور نيلس شوي نسولف ونشرب شاي ونتجهز حق صلاة العشا والتراويح

من يأذن نسير كلنا ويا بعض الصلاه وبعدين نسير المحاضرات اللي يسوونها بعد صلاة التراويح... يزا الله الف خير القائمين على هالعمل الخيري... كل يوم يبون لنا شيخ يحاضر... البارحه كان المحاضرالشيخ عبدالعزيز الفوزان من السعوديه وكانت محاضرته جدا روعه

بعد مانرجع تكون الساعه صارت 12 تقريبا... في هالوقت نتسحر لأن ولله الحمد اهل ريلي كلهم تقريبا يعانون من الم في المعده مايقدرون ياكلون في وقت متأخر... وانا استحر وياهم وعقب نسير البيت تكون الساعه صارت جريب الوحده... ايلس اقرا قرآن قد ما اقدر لأن في النهار وقتي ضايع... إذا حصلت فرصه اقرا في الدوام... والحمد لله ختمت مره لين الحين

انش على صلاة الفجر وعقب الصلاه اقرا اللي اقدر عليه وعقب انام لين الساعه 7.30 وانش حق الدوام

وسلامتكم

دلة المزايين.........ماشاء الله عليكي اختي.......الله يزيدك من فضلة ويكرممك بحفظ القران كاملا
نظامك مرررررة مفيد.....وربي يجمعكم على خير وويوفقكم