بعد أن صعدت على أكتافي بدأ يعايرني

السلام عليكم خواتي العزيزات
حبيت أقول لكم ما في قلبي يمكن أخفف عن نفسي ويمكن وحدة تشير علي برأي
أنا خريجة ثانوية عامة وكان ووووووووووووووودي أكمل دراستي ولما تزوجت زوجي كان يدرس بالجامعة آخر سنة ولما قدمت بالكلية وقبلوني ما كان وده إني أكمل ولا شجعني على مواصلة دراستي بالعكس حبطني فتركت الكلية وجلست في البيت وانجبت أولادي وحملني كل المسؤولية البيت والأولاد من إلى وهو تفرغ لعمله وكنت أساعده في عمله في البيت ولا أكلف عليه كنت أقوم باللي أقدر عليه وأدرس أولادي وأرعى شؤونهم وهو ما يدري عنهم ولا حفلة تفوق من أولاده راح لها أنا اللي أروح المهم
كبر في عمله وصاروا يعرفونه كل اللي في مجال عمله خصوصا الحريم بحكم إنه مسؤولهن ويتصلن عليه ويرسلن له مسجات وهدايا وأنا كنت أزعل لأن ماله داعي كل هذا ومرة طحت عليه يكلم وحدة الساعة 12 بالليل ولما دخلت عليه قال إنا كنا نتكلم في الشغل مع إن الكلام اللي سمعته مو عن الشغل وحتى لو عن الشغل مو الساعة 12 بالليل
صار ألحين يقول لي أنت شنو أنت ما تفهمين إنت جاهل إنت ربة بيت شوفي اشلون يعاملني الحريم بالدوام شوفي شنو يسون لي غيرنه علي الله لا يوفقهن صار يتكبر علي ما يسولف معاي ويكذب واجد وهو لولاي ومساعدتي له ما وصل بالسرعة هذه لو إني محملته المسؤولية ما تفرغ لعمله وقدم إنجازات مع إني جميلة وبنت عائلة محترمة وأقرأ ومطلعة ومو دفشة ما ينقصني شئ
هل يحق له بأن يتكبر علي ويهمش دوري اللي أنا قائمة فيه