هلا أختي رذاذ الروح

انا متابعتك من موضوعك الاول الله يعينك ويصبرك ويفرج لك ويسخر لك زوجك ويسخره لك ويهديه ويبطل سوالفه


شوفي يا حبيبتي من قراءتي لمواضيعك حسيت والله العالم ان اللي يبي يتزوجها زوجك وحدة معه بالدوام لاعبة براسه وقلبتنه فوق تحت يا بكلام معسول والا بهدايا ودلع وربك اعلم

خاصة ان زوجك رافض فكرة زيارتك له بالدوام وحالف عليك بالطلاق

وواضح ان زوجك يحبك وما يبي يفرط فيك لانه غير واثق بالي يبي يتزوجها حاس انها نزوة بس مو متأكد

جربي هالخطة يمكن تفيدك بعد ما قلبك برد على كلامك


بما انه رافض روحتك للدوام



خلي الدوام يا حبيبتي يجيك





شلوووون؟؟؟؟






اقولك



اطلبي من صديقتك الي معه بالدوام تعزم البنات الي معهم على عشاء او قهوة في بيتها والا بمكان عام فندق قاعة بكفي اللي هو حتى لو تتكلفين انتي بكل شيء اهم شيء تكونين احد الحضور بس لا يدري زوجك ولا يدرون بنات الدوام انك معزومة عشان تكون مفاجأة وما يخرب تخطيطك والا يحلف عليك ما تروحين بعد


ابد وطقي الزين كله ولا تنسين وردك عشان ربي يحفظك ومن بكرة تبين تكونين حكوتهم وتسكتين السنتهم وتوقفين حركاتهم واللي مخططة عليه اذا عاقلة -وما اظن- تبي تنطم وتعرف إن عنده قمر - اذا انتي على كلامك حلوة- واذا مجنونة تبي تكشر عن انيابها وتنهبل زيادة وممكن هبالها يكون في صالحك ويعرفها زوجك على حقيقتها
الخطة حلوة ويبي لها تخطيط وتكته وممكن تكون هي ورقتك الأخيرة والرابحة يارب

ولا تنسين الدعاء والاستخارة قبل كل شيء

دعواتي لك

ولا تنسيني من دعواتك

اووووف بصراحه فكره روعه
جابتها على الجرح-ياكافي اكفني-

اسال الله العظيم رب العرش الكريم ان يصبر قلبك ويلهمك الصبر ويسخره لك

خليه يتزوج قلعته بس لو انا منك اتوظف واشوف نفسي واتكشخ وطنشيه هو وامه

وعيشي حياتك وانبسطي صدقيني بيتزوج ويرجع لك لمن يعرف انه مايسوا شي من غيرك

بس انتبهي تتنازلين لهم المفروض اذا احد قال هو احلا منك انك تدخلين اصابعك في عيونهم ودافعي عن نفسك وجمالك انتي بسكوتك لهم حسستيهم انهم صادقين واخذو مقلب في انفسهم

بلعكس حبي نفسك وامدحيها غصب عنهم واكشخي اقوى شي وغطي عليهم بس لا تطلبين الطلاق ولا تتنازلين عن يومك

عيشي حياتك عادي والله يصبرك بس زوجك من النوع الي لازم تعاملينه بغطرسه علشان يندق خشمه شوي لان المغرور مايجيب خشمه الارض غير المعامله بدونيه

الله يكفيك انت وزوجك كل من فيه شر عليكم ويسخركم لبعض
وتكوني زوجته الاولى والاخيرة
دائما ادعي هذا الدعاء اللهم اكفنيهم بماشئت
لاتنسي الدعاء بالثلث الاخير الدعاء الدعاء الدعاء