في البدايه احب اوضح اني في جانب الانكار جدا مقصره بس قلت بنزل الموضوع عشان تستفيدون مثل ماستفدت ..
ومن اصعب الامور علي الانكار ، ولكن بعد ماسمعت مقطع للشيخ ناصر العمر حفظه الله صرت اخاف اني اسكت ..
واحاول انصح باللي اقدر عليه و بالرد الثالث بكتب لكم عن الموقف اللي صار لي بالحرم ، بصراحه ما توقعت اتصرف هذا التصرف :)
الاوضاع صارت تخوف ، صرنا نسمع عن هزات ارضيه في بعض مدن وقرى السعوديه ؟؟
السيول ماكنا نعرفها الان جده لها سنتين سيول ، كنا السنوات اللي فاتت نتمنى المطر الان يرعبنا المطر !!
وخسوف وكسوف ؟؟
كل هذي انذار من الله لعلنا نرجع ونتوب ..
ولا يخفاكم الدول اللي كانت آمنه وانقلب وضعها في يوم وليله فسأل الله ان ينصرهم عاجلا غير آجل ويديم علينا نعمة الامن والامان ..
والان يقولون مادري وش بيصير الاسبوع الجاي بصراحه مااتابع عشان ماتوتر ، بس فيه تحذير من شي خايفين منه ..
واكيد الكل خايف ، اذا تبين ربي يحفظك وينجيك اسمعي هذا المقطع القصير للشيخ ناصر العمر حفظه الله ، مدته سبع دقايق ،
المقطع هذا رغم انه سبع دقايق الا انه اثر فيني وغير فيني امور ..
المهم بداية المقطع تكلم عن المناكر اللي تصير عندنا وقال والله اني اخشى وانا منذر من الامور التي تجري وذكرها وحذر من عاقبتها ..
بعدين استشهد واستدل بأيات واحاديث ،
وبكتب لكم بعض اللي قاله الشيخ بالمقطع بأسلوبي يعني مو نصيا ..
لاحظوا قال مصلحون وليس صالحون ..
لان مجرد الصلاح لا يكفي ولابد من الاصلاح ومقاومة الفسق والفساد ،، فالله يحمي البلد
واهله حتى مع وجود الظلم ووجود الفساد ..
اما اذا سكتوا الناس ولم ينكروا حتى وان كانوا صالحين ومليئ بهم الحرم يهلكون ..
ولكن احيانا يصيبنا اليأس وقد تقول احداكم نصحت وذكرت ولكن لا احد يلتفت لي ، ولا دروا عني ولا اثر فيهم كلامي ..
هنا نقول لك طمئني لتنجي ،، المهم الان ان تنجين اذا مااستطعتي ان تنجي اللي حولك ..
انجيت من يارب ؟؟
الذين ينهون عن السوء ، لاحظوا ماقال الصالحون ؟؟
طيب والبقيه ؟؟؟
( اخَذْنَا الَّذِينَ ظَلَمُواْ بِعَذَابٍ بَئِيسٍ ) والساكتون على المنكر شاركوا بالظلم ..
فلنكن جاهزين لركوب سفينة النجاة ..
انتهى كلام الشيخ ..
يتبع
في عدة طرق ممكن نذكر وننصح فيها ..
_ ممكن النصيحه تكون مباشره بأسلوب لطيف وقبل تنصحي اثني عليها وكوني حريصه ان لا تنصحي امام الناس عشان تتقبل منك ..
_ ممكن برسالة جوال ،
_ او بارسال المقاطع التذكيريه المؤثره ..
الان بفضل من الله عندنا طرق كثيره نوصل فيها النصيحه ..
_ الواتس اب ممكن ربي يرحمك وينجيك بسبب اللي ترسلينه .. وممكن العكس والعياذ بالله ..
_ وفي المناسبات مثل الافراح ممكن يتوزع من اصحاب الفرح اشرطه ومنشورات وكتيبات تخص المراءه
مثل الحجاب واحكامه ، و اللبس وغيرها من الامور والتجاوزات اللي ممكن تصير ..
_ النت استغليه بالدعوه لعل الله يرحمنا ..
وممكن ننكر على بعض اللي يصير بالمجتمع ولكن بدون سخريه و كثرة تعجب حتى لا يبتلينا الله ،
وعندكم مثلا بعض البرامج اللي فيها استهزاء بالدين ؟؟؟ المفروض نكتب وننكر بس الاهم اننا مانتابع الحلقات ونشوفهم وهم يستهزئون
ونجي نقول ايش صار ؟؟
لا ياغاليات مايصير اصلا كذا تكوني ارتكبتي اثم بمشاهدتك لامور تغضب الله .. من غير ما تابعي بتعرفي اللي صار وبتلاقين مقاطع لمشايخ
ينكرون على هذا البرنامج ، اللي عليك تنزلين المقطع ..
واذا نزل موضوع موضوعين عن اي منكر صار خلاص بكذا انتهت مسؤليتنا ، ومو شرط ننزل مواضيع كثير تخص هذا الامر اللي صار .
المنتديات عندنا الخاص افضل وسيله عشان ننصح ، ويكون فيه قبول اكثر من انك تقتبسين كلامها وعلى الملأ تنصحين ..
وبصراحه اللي يصير هنا شي مؤسف مهاوشات وسخريه وعلى بالها تنصح !!!
مهما سوت اللي قدامك ومهما استفزتك او غلطت عليك ، انت هدفك ايش ؟؟
هدفك النصيحه ... اذن تحملي وردي بأدب وابعدي عن تفسير مقاصدها ؟!! وبلاش تدخلي بالظن لانه اكذب الحديث ..
بصراحه شي مزعج انك تتهمي اللي قدامك لدرجة البعض تتهم اللي قدمها بأمور كبيره ديانتها مثلا وغيرها من الظنون والشكوك اللي مامنها الا الاتم ..
قال تعالى ( ان بعض الظن اثم )
واذا الرسول تعرض للاذى نتوقع احنا يرحبون فينا على طول ..
وتفضلوا هذا مقطع الشيخ ناصر العمر ..
WIDTH=400 HEIGHT=350
يتبع