بعد 17سنه زواج ..........الخيانه مستمره

اخواتي وحبيباتي في عالم حواء السلام عليكم ورحمة الله وبركاته....
انا اليوم ابيكم الله يخليكم تدعوا لأختي ان الله يفرج همها فهي في امس الحاجه لدعواتكم هذا اولا...
وثانيا ابي منكم حلول مقترحه اومجربه لمشكلتها وهي مشكلة(الخيانه الزوجيه )من قبل الزوج طبعا فاقصة اختي بدأت منذ خمس سنوات عندما تبين لها ان زوجها على علاقه مع احدى زميلاته في العمل فهو يكلمها ويرسل لها رسايل حب وغرام ويهدي لها ووووو
وعندما واجهته بالامر انكر ولاكنه اقر بعد ان كشفته اكثر من مره واعطاها العهود والايمان بانها زله ولن تتكرر ولكنها كشفته مره اخرا وهوا يحادث نفس البنت وانه لم يقطع علاقته بها فواجهته مره اخرا واعترف وقال انه كان يبي يخطبها لكن اهلها ماراح يوافقوا عشان مذهبهم غير فهو سني وهم ...وانتم فاهمين قصدي حسبي الله ونعم الوكيل ويقول انها هي ماخلته في حاله وووويحاول يطلع نفسه
واختي ما شاء الله عليها حلوه وطيبه وبنت حلال مراعيه زوجها وبيتها وماهي مقصره معه وعندها عيال منه تبي تربيهم وتهتم فيهم بس هو ماهو مفكر يعدل نفسه ويتوب لله قبل كل شي .
وهلحين هي تقول صبرة عليه كثير وماعاد اقدر اتحمل وابيه يطلقني ويخليني اربي عيالي وهو يسرح ويمرح على كيفه لاحد يسأله وين رايح ولا وين كنت ...
وقالت لأخواني وهم جايين بكره عشان يحاولون يحلون المشكله وتقول انها راح تخبر امه وابوه وتخليهم يحضرون الجلسه لعل الله يهديه وهو يوم قرب موعد جيت اخواني عصب وقالها ماله داعي يجون اذا تبين الطلاق اطلقك واحجز لك رحله لاهلك والعيال الكبار خليهم عندي والصغار خذيهم معك ااااااااااااااااه ياااااااااااقلبي عليهم والله اني اكتب لكم ودموعي على خدي مايدرون وش السالفه الكبير حاس ان فيه شي وكل شوي يسأل امه : يمه وش فيك قوليلي؟ وهي تقوله بعدين اقولك اذا سرت كبير.
وانا خايفه يطلقها ويحرمها عيالها وهي ماراح تصبر عنهم واهلي عايشين في منطقه بعيده عن المنطقه الي هو ساكن فيها ...
شورو عليها يا بنات هل تصبر على حالها وخيانة زوجها ام تصر على رايها وطلبها لطلاق ولا وش تسوي؟
الله يجزاكم خير يابنات الي تدخل الموضوع ترد اذا عندها راي او نصيحه او تجربه وقبل ترد ترفع يدها وتدعي ان الله يفرج هم اختي ويبدل حزنها فرح وسعاده انه على كل شيء قدير.
معلومات قد تفيدكم:
امي تقولها اصبري وهذا طبع الرجال الا من رحم ربي.
ابوي ماعنده خبر لانه ماعنده تفاهم.
امه وابوه ناس طيبين ودينين فيما يظهر لي .