بعد 25 سنه التاريخ يعيد نفسه معي

اول شئ قبل 25 سنه لما انولدت وجوا الناس يباركون لامي ماكانت تبي هالحمل فيني وماكان لها خلق علي
وتقول لي لمن كبرت ماتمنيت اجيبك
وولادتك صعبة ووحدة من صاحباتها قالت لي لما كان عمري 12 سنه لما نجي نشوفك باللفة امك تقول وش تبون فيها سودا تجيب الهم مع اني حنطيه وعلى قدر من الجمال بس امي مدري ليش تقول عني كذا يمكن لان اخواتي واخواني بيض
ومن يومها كرهت شئ اسمه بنات وخلفة بنات خفت مااحبهم مثل امي ماكانت تكره البنات
ودعيت ربي ان اللي في بطني ذكور
وربي رزقني بنوتين كانه اختبار من رب العالمين
والحين نفاس وجوا اهلي يزورني من مدينه ثانية ومعاهم زوجات اخواني وطلت امي على بناتي وقالت كنهم قطاوة يخرعون سود مافيهم من الحلا والملح ذرة
وجت اختي تشوفهم قالت امي ديري بالك تحسدينهم قالت اختي
وععععععععععععع ياكبديه وابتسمت ابتسامة صفراء ماعرفت اتكلم والكل لاحظ اني تضايقت ماقدرت اتحمل لكن مارديت ولا علقت
وراحوا ودمعتي على خدي وزوجي يسال قلت اهلي راحوا ماشبعت منهم من جد انجرحت واحس زي السكاكين تقطع فيني