قبل ماأبداء ما كتبت موضوعي إلا عشان تستفيدوا وكل محرومه بليز قولوا ماشاء الله لأني للأن أعاني من العين ومو ناقصه وأرجو الدعاء لي بالذريه الصالحه
واللي مايعجبها تدعي لي بدوام الصحه والسعاده
اولا راح أقو نبذه بسيطه عني :
بكريه ماما وبابا يعني الدلوعه
قويه شخيصه
اهلي دايما ياخذو رأيي في كل شئ
متربيه في عائله ديمقراطيه بحكم سفريات بابا ربانا تربيه متنوعه
كان لي نشاطات كثيره قبل زواجي ودا خلاني أجماعيه درجه أولى
تربيت في الحجاز
كنت عصبيه بشكل لا يطااق
تزوجت وأنا أدرس
نبذه عن زوجي
متربي بين عدد من البنات طبعا له أخوان
دلوع مامتو
متربي في نجد
تربيته شبه دكتاتوريه
تزوجني وهو يدرس
ماراح أقول عنو تفاصيل كثيرة
بحكم صفاتي وصافته راح تعرفوا انو في اختلاف كثير بيننا وبما أنو فيه اختلافات راح يكون مشاكل
الناس يحسبونا مبسوطين لأني وهو من عوائل معروفه والحمد لله كانت أمورنا ماشيه ومبسوطين بس أي زوجين فيه مشاكل بس كنا نزعل على الشئ القوي
طبعا صفاتي تدل أنو مستحيل أعتذر وكانت كرامتي أهم حاجه في حياتي ومن صفاتو بما أنو دلوع مامتو كان يزعل من أي شئ حتى من الهواء لو مر زعل منو
صارت مواقف كثيره بيني وبينه
وبيني وبين أهله بس بشطارتي كسبت الكل
إنا أحب أهله وأموت فيهم وهم كمان ولا صار بيننا مشاكل بس انتو عارفين شغل من تحت لتحت
وطول أربع سنوات زي ماحنا يوم حبايب ويوم أعداء
لكن جاء اليوم اللي استوعبت كل شئ وبدأت أفكر في حياتي صح
في الصيف اللي فات ربنا كتب لي أحمل بعد أربع سنوات زواج طبعا كنت مسافرة لأهلي وخلالها صارت مشاكل بيني وبين جوزي ساعتها ماكنت عارفه أني حامل لدرجه أنها وصلت للطلاق
تأثرت نفسيتي مررررره
كلام الناس من جهة
وأهل زوجي من التانيه كان موقفهم مره سلبي
الطامة أنو زوجي جاء وسافر ماأخذني معاه لأنو مالقي حجز لي
ودا أعطى الناس فرصه أنهم يكثروا رغي
سافرت مع أهلي جده على أساس اخذ طياره وأسافر للرياض طبعا قبل السفر بيومين تعبت مره حللت والحمد لله طلعت حامل
زوجي وبابا أتفقو أني أجلس عند أهلي عشان الوحم
واتفقنا أنو موضوع حملي يكون سري للغاية لأننا نعاني من العين وخفنا مره من الناس
طول دي الفترة الناس ماسابو كلمه بطالة إلا قالوها عني
مطنشه جوزها
فلان وفلانة تطلقو
أبوها وأمها ماربوها ليه مجلسينها عندهم
ومن مين من أقاربي لزم
قبل العيد بيوم أجهضت
طبعا نكدت على أهلي العيد صحيح أنبسطنا ورقصو البنات والرجال عرضو لكن لدحين حاسة بتأنيب الضمير ماأعرف ليه
القشة اللي قصمت ظهر البعير أنو ولا أحد اتصل علي وقال الحمد لله على السلامة أو معوضه بس وحده من خالاتي والله يابنات ولا أحد حتى أهل جوزي مافي أحد أتصل
إلا عماتي لأنهم كانو عندنا في البيت وكانو يحاولو ينسوني
كملت نفاسي عن أهلي ياعمري على ماما وبابا تعبو معاي من ناحيه جسديا ونفسيا مره تعبوا كان نفسهم في حفيد
<< فديت ماما تكلمني مسن وتسألني فطرت أولا
طبعا رجعت بيتي وبدات افكر في حياتي
أولا قررنا أنا وجوزي نأجل الحمل شويه عشان النقل وتعبه
ثانيا أسحب على كل شخص سبب لي ولأهلي ضرر << ماقعطت رحم لكن نادرا ماأتصل
ثالثا خليت أهم مافي حياتي زوجي وأهلي
رابعا كثرت زياراتي لأهل زوجي وخصوصا لما أبوه يكون موجود لأنهم الله يهديهم كانو مايحبوا نجي عندهم وأبوهم موجود
وكان أبوه زوجي يزعل مني وكلم بابا كدا مره وبابا خاصمي وانا ياغفلين لكم الله
المهم صرت أزوره كثييير لدرجه أني صرت أعامله زي بابا وأحضنه وأهمز رجوله
وبدي الطريقه كسبت عمي صرت بس أروح عندهم يطنش كل شئ ويجلس معاي
رابعا خليت زوجي هو محور إهتمامي
طبعا ماأنكر أنو فيه مشاكل ومره قيد ضربني بس ضرب خفيف لكن بعدها عوضني بجوال
راح أقول كيف كسبته << لسه ماوصلتي ؟؟
إلا دحين اقول
وزي ماقلت في البدايه انو دلوع مامتو
حسسته هو الوحيد اللي في حياتي
عامله زي النونو أصحيه بكلمة يلا يصغنن
أوقات أأكله بيدي
صحيح بعض الأحيان يزودها ويطفشني بس مستحمله
لما يزعل أو يعصب وأوقات يكون هو الغلط صرت أدوس على كرامتي وأسكت
وبعض الأحيان الرجال بالعنيه يستفز الحرمه طبعا انا اعصب بس امسك نفسي
والله يابنات أوقات أكون مشغوله اكلم أخواتي بالمسن
يجي يقول تعبان مره بس عشان اطنشهم أعتذر من اخواتي وأقوله وي أيشبو بيبي تعبان
تصدقو مره قيد قالها انا أغار من اختك الصغيره لأني انا اللي مربيتها فحتى لو صار موقف صغير اتصلت وكلمتني
حتى أخواني وبابا يغار منهم
بس انا بينت له أنو هوا محور إهتمامي
شايفين كيف الرجال ؟؟
راح أقولكم مواقف صارت
بما أني دحين جالسه أأثث البيت فكل يوم ننزل السوق
طبعا وحنا نشتري النجف إلا مصر أنو ياخذ حاجات عفشه وكبيره زي اللي عند أهله طبعا دا شئ يخيلي الوحده تعصب وانا عجبتني نجف مره نعومه ومودرن
أيش قلت له أنا دي عجبتني وميته عليها لكن أنت رجال البيت وأهم حاجه رأيك
طبعا كلامي كبر راسه وأشترها مع انو مو مقتنع لكن لما ركبانها أنجن عليها وباس راسي
موقف تاني
لما كنا ندور الكنب كانت تعجبني حاجات نعومه وهو برضوه إلا يبغى العفش والله يابنات كان يقولي أنتي من فين لك دا الذوق وع عليك
كنت أبكي بصمت وأبلعها لأني أعرف يبغى مشكله
دحين تصدقو أنو صار يدور نفس اللي أبغاه
كنت أقول له أفكار عن البيت يقول ياشيخه طيري
قبلها بكم يوم والله قالها بالحرف الواحد أنا أعتذر بشده وأرفع لكي قبعتي إحتراما على ذوقك الراقي في إختيار الأثاث << كاننا في مسلسل
طبعا أنا راسي وصل للسماء
حتى التي في مو راضي يشتريه لحد ماأروح معاه وأعطيه رأئي لا وفوق دا الرسيفر يقول تعالي إختاريه
صار أي غلطه يغلطها عليا شويه ويعتذر ليه لأني ساعتها سكت وكتمت غيضي
صحيح لسه فيه مشاكل بس الحمدلله صرنا أحسن بكثير
صار شعاري الأيام دي
أتعبي دحين وأرتاحي بعدين وأنكتمي وخذي اللي تبغيه
وترا هذا مو ضعف ولا شئ لأنو صرت أقوى من زوجي وهو مو حاسس
داعوتكم انو ربنا يرزقني الذريه الصالحه ويرزق زوجي الوظيفه اللي تريحيه
واتمنى ماأكون ثقيله عليكم