بغيتيها طرب وصارت نشب ؟!؟!؟! إدخلي هنا واعترفي

السلام عليكم ورحمة الله وبركاته

حياااااااااااااكم من لاتنام عينه

الموضوع ومافيه ياجماعة الربع إني بغيت اتميلح عند زوجي وانقلبت السالفة على راسي ....

ايييييييييييييييييييييه

بقول لكم السالفة وانتوا احكموا بما تمليه عليكم ضمائركم الحية !!!!!


كنت في يوم من الأيام قاعده لا ليًا ولا عليًا


وزوجي كان نايم ,,,

قلت ادخل عالم حواء واشوف وش عند صديقاتي .

ودخلت والقيت نظرة على قسم المشاكل الإجتماعية بحكم اني نكدية واعشق النكد .

واطيح على ذاك الموضوع وماحد سمى علي ,,,,

الموضوع في ثناياه نصائح قيمة تحث على حسن التبعل ..

وكان الموضوع قمة بصراحة لدرجة اني تهيضت وطق عرق حسن التبعل عندي وخفت اموت .

المهم وقمت وشمرت عن سواعدي وقررت اني افرح زوجي اذا قام واخليه اسعد زوج في الدنيا

وآخذ الصابون (( صابون المواعين فيري )) واطلع للحوش وقررت اغسل سيارة الرجال .

طبعا لايخفى عليكم اني ظنيت كل مازاد الصابون ازدادت النتائج روعةً وتألقاً..

وصبيت صابون من قلب وكمية الصابون كانت تتناسب طرديا مع مقدار حسن التبعل اللي خمني في ذيك اللحظه . :heart:

وبدأت رحلة البربسة في غسل السيارة .................


وعينكم ماتشوف إلا النور :)

وقمت احوس بهالسيارة واتبوسم انا وخشتي اللي ماحلاها ربي

واتخيل فرحة زوجي اذا عرف اني غسلت سيارته بيدي الناعمتان :cool:

واصب مويه ابي الصابون يروح ... مافيه امل الصابون يررررررررغي كثييييييييير !!!!!

والسياره حالتها كسيفة .............. وصارت حفلة صابون :16:

واصب مويه والصابون يرررررررررغي وانا أعيييييييييييييييييييييييط

والسياره بحالة وانا أعييييييييييييييييييط :icon36:

واللي صدمني اكثر ان تانكي البنزين اطرافه يطلع منها فقاعات!!!!!

فخفت ان التانكي دخله مويه وصابون !!!! :eek:

وقعدت اعييييييييييييييييييييييييييييط

طبعا صبيت في الميااااااااهه لييييييييييييييين دخت ,,,,

لا السياره راضيه تنظف !!!! وصابون الغبرا مازال يرغي !!!! الشارع امتلئ مويه !!!!

((أسرفت في المويه_الله لايعاقبني_ و تسربت من تحت الباب والبلدية بتغرم زوجي ))

كل هذا يصير وانا أعييييييييييييييييييييط و اتخيل مصيري اذا صحى الرجال وشاف انجازاتي الرائعة


وضاااااقت بي الدنيا وقلت خلااااااااص وكلي امرك لله يا مشروع فيلسوفة .

وجبت منشفه كبيييييييره وبدأت امسح السيارة على بالي انها بتخف شوي المأساة !!!!

يوم شفت النتيجه قعدت اعيييييييييييييييييط . أففففففففف وش اسوي ؟؟؟!!!!

صارت السيارة ملغمطة !!! وحالتها حالة !!!! وطبعا ماقدر اصب مويه عليها !!!!

وصار همي همين ::: هالشارع الغرقان ,,,, والا هالسياره الملغمطه ,,,,,

والا هالرجل اللي بيحوسني ,,,,, والا هالتانكي اللي مدري وراه انهبل وقام يغرغر ,,,,,.

حاولت افكر بالعقل وش اسوي ؟؟ وش اسوي ؟؟.... مافيه حل .

تمنيت لحظتها انهم يخترعون سشوار كبيييير انشف فيه الشارع ,,,

والا ياليتهم اخترعوا صابون مايرغي كثير,,,,

والا اانهم اخترعوا سيارات ماتغبر .

وأنا في غمرة افكاري ......................

الا اسمع صوت زوجي قام من النوم يابنات !!!!!!!!!!!

حصحص الحق و جاتني ام الركب .

دخلت عليه وانا غرقاااانه مويه ,,,,, وشعري مايحتاج ,,,,, وباين اني مرتاعة ومصوفره ,,,, :bkh:

وطبعا آثار البكاء واااااااااااااااضحة .

وطبعا على طول بديت اعيييييييييييييييط واعترفت له بكل شئ وبالتفاصيل المملة

(( يعرف مني احس من انه يشوف من نفسه ))..

راح وشاف انجازاتي الرائعة .... شاف حفلة الصابون في الحوش وانصدم وتغير وجهة ...

وطلع وشاف حفلة المويه اللي بالشارع ورجع يآآآخذ حقه وحق البلدية مني . :angry2:

وعدوا عينكم يجيه ماجاني ذاك اليوم

بدأ يزئر

وقعد يهاوش ليييييييين نشف الشارع ,,,, وكل ماطلع ودخل هزأني ,,,, وكانت ليلة ليلاء . :024:

(( اتجاوز عن ذكر التفاصيل اللي ماتسر لا عدو ولا حبيب )).

السؤال اللي يطرح نفسه يابنات ..... من الغلطان في هالسالفة كلها؟؟ :rolleyes: :::

1 /// زوجي اللي ماقدر تضحياتي ورغبتي في اني اخلي الحياة بمبي .

2 /// السيارة اللي مارضت تنظف من الصابون و التانكي اللي قام يغرغر وروعني .

3/// الصابون الشرير اللي طول الوقت يرغي وهبل بي .

4 /// العضوة - العضو صاحب الموضوع الحماسي .. اللي كان السبب في طق عرق حسن التبعل عندي .

5/// جميع الأجابات صحيحة .

المطلوب منكم يا اخواتي الفاضلات :::

كل وحده منكم تكتب لنا موقف كانت تقصد فيه انها تفرح زوجها,,,,,

ولكن انقلب عليها وبدل مايصير طرب صار نشب .

انتظر مواقفكم بفااااارغ الصبر .... ولله دري ماأروعني .