مــــرحــــبــــا بـــأحـــلــى بـــنــــات
¤~ بـشـرتـج بـتـلـق لـق مـن الـبـيـاض و الـكـل عـبـالـه حـاطـه كـريـم أسـاس¤~
هلا و غلا بكل الحلوات اللي دشو الموضوع :icon28:
بــنــات ما مليتو من المكياج و كثرته ليش ما نريح بشراتنا من المكياج اللي يضر ما ينفع كثرة كريمات الاساس و البودر على البشره تأذيها ما تلاحظون ما شاء الله تبارك الرحمن امهاتنا و جداتنا بشرتهم تجنن لانه من عمرهم ما يحطون كريمات اساس و مكياج ..
عموما انا عن نفسي خليت المكياج و التجأت للطبيعه عالطبيعه كل شي احلى :33:
يعني كريم الاساس و البودر هديتهم و ما قمت احطهم الا بالمناسبات القويه حفله عرس مناسبه غير جذي ما قمت احط و السبب راح تعرفونه ..
طبعا سبق و اني ذكرت لكم عنايتي في بشرتي ما شاء الله تبارك الرحمن صارت روعه ..
الحين بقولكم على الـــســــر اللي خلاني استغني عن البودر
هالكريم روعه يابنات و الله يخلي بشرتج تلق لق من البياض و بالضبط يخليها جنج حاطه كريم اساس و مكياج يعني بتشوفين وجهج ما شاء الله يبرق و صافي و بياض حلو و يعجبج :32:
انا دايما احطه بالبيت و يخلي بشرتي منوره و حلوه و اذا بطلع احط منه حيل حيل ريحني و مثل ما قتلكم يجنن و روعه و عرفت من فوايده انه مع الاستمرار يبيض البشره اكثر و اكثر و اكثر و اللي فيها حب شباب يوخره و يخفف و اللي بشرتها مو متوحده يوحدها عموما انا بشرتي الحمدالله صافيه من عنايتي فاللي عجبني انه مثل الكريم الاساس و الاحلى يخلي البشره تلق و بيضه و حلوه و طبيعيه يعني اللي يشوفج جنه وجهج طبيعي من الله و مو حاطه فيه شي ..
جم مره اطلع فيه و رفيجاتي يسألوني اليوم شنو حاطه بشرتج تجنن مو عارفين اللي تقول اضاءه و اللي تقول حاطه كريم جديد و ما تبين تعلمينا و انصدمو لما طلعتلهم من الجنطه هالكريم قالولي هذا كله اللي نشوفه من هالنتفه العلبه المدوره يخلي الوجه منور و ابيض و صافي طبيعي طبيعي ..
حيل حيل ارتحت عليه و من فتره طويله قاعده استخدمه و قلت ما راح اعلن عنه الا لما اشوف نتايجه الحلوه و اجربه عدل :eh_s(9):
طـــريـــقــــتـــــي :
قبل لا احطه اوزع على بشرتي بنقط خفيفه
كريم OLAY بالتوت البري و ادهنه و بعدها على طول اوزع الكريم و بنقط خفيفه يعني اللي تبي بشرتها تصير بيضه حيل تكثر منه و اللي تبي شويه تحط نقط قليله و احط تحت عيني بس ما ادهنه اطبطب عليه على الخفيف و لازم تحته مرطب و بعدين تحطين لكريم لانه ما يمشي معاج بسرعه لازم يكون تحته ترطيب و ممكن تحطينه كاساس و تحطين فوقه بودر اذا ما تقدرين تستغنين عن البودر و اللي مو حابه تحطه ككريم اساس تقدر تحطه كقناع قبل ما تنام تنظف بشرتها و تحطه انا عجبني استخدمه ككريم اساس مثل ما ذكرت لاني استخدم ماجك قبل ما انام
قبل ما احط اسم الكريم ممكن فيه بعض البشرات حساسه و ما تتقبل هالكريم و اللي بشرتها دهنيه حيل يمكن ما ينفعها و اذا حابه تجربه ممكن تخليه كقناع قبل لا تنام مو ككريم اساس و بعد فيه شغله ثانيه ما تحطينه بالشمس و تطلعين فيه لانه يعتبر معالج للبشره يعني ما ينفع تتعرضين للشمس و انتي حاطته
بس من خلال تجربتي حيل عجبني و ارتحت عليه و من كثر ماني خايفه انه ينقطع او ما احصل غير التقليد صرت بكل روحه للحواج اكدس منه علب ..
اسم الكريم : BEANNE
و هذي صورته :
و تحصلونه بالحواج بس انتبهو فيه بعض الحواجين يبيعون التقليد و ما ينفع للبشره نفس اللي بالصوره بالضبط هذا الاصلي و تأكدو انه فيه لصقه ذهبيه و مكتوب عليه
BEANNE EXTRA PEARL CREAM
لا تــنــســونــي بـــدعـــواتــــكــــم
----------------------------------------------------
منقول من الاخت مذهله في منتدى كويتيات جزاها الله خير
للفايده مع السلامه