بكل صراحه كيف تتصرفين

السلام عليكم ورحمة الله وبركاته
مساكم الله بكل خير ...
اذا كانت بينك مشاكل انتي وزوجك من فتره طويله
ووضعكم مره سيء وكل واحد يغلط ع الثاني
وتعبتو ومليتو ومحد متحمل احد
ومن فتره طويله وانتو ع الوضع هذا كل يوم كل ساعه نفس الشي بدون مبالغه
المهم وفجأه قالك زوجك لازم نبعد لازم تروحين لاهلك فتره
ترتاحين وانا ارتاح وكل واحد يقعد لحاله ويفكر ويشوف نفسه
وبعدها تقرر نشوف بنتغير
بس وضعنا لازم نبعد عن بعض لاززم تروحين فتره تجلسين لحالك وانا اجلس لحالي
🤐🤐🤐
انا ماعرفت ارد
لان اكثر من مره كنت اقوله اروح كم يوم ارتاح وانت ترتاح ونرجع لبعض وهو يرفض ممره يرفض
جيت معاه باكثر من مره وهو رافض
ايتغربت وش الي غير رأيه الحين يقولي خلاص ماقدامي الا الحل هذا تعبت تعبت
ماابغى اكرهك اكثر وصلنا لمرحله لازم نبعد عن بعض
المهم عاد ويبيني ماتكلم مع اهلي بشي
اذا رحت عادي يعني مابيننا اي شي ماتقولين لاحد شي عادي قولي تعبانه مع الحمل وكذا بس ابداً ماتقولين ولاتبينين لاحد شي
ومو معناة انك اذا رحتي خلاص مابأخذك وكذا
😦😦😦😦😦 انا وجهي كذا ماعرفت ارد الله والعالم لمتى قصده للولاده ولا ايش
مره ارد اقول طيب ابشر ومن الحين اروح واذا سألوني اهلي بقول هو قال لي روحي لاهلك فتره وصلنا لمرحله لازم نبعد
طفش لما قلت له كذا
ومره ارد وانا منفعله اقول طلعه انا ماني طالعه جالسه ببيتي وبيت اولادي وشو يعني تطردني ؟ اذا كذا طيب
كلام كثير قاله وووو لازم نبعد فتره وووو
انا ماابغى اتزوج والله خلاااااص انا وصلت لمرحله معاك
انا تعبت من طبيعتك ومعاملتك ومابعده ولا بتحملها
لاتخليني اوصل معاك لشخصك لاااتخليني
بديت اوصل لها لازم ارجع لااازم
قال هالكلام وهو يحضني وفعلاً جاد بكلامه
انا عارفته ان عنده شي بس ماقدر يقوله براسه شي الله واعلم وش هو بس ماقالي الا انو تعبنا ولازم نشوف وضعنا ووو ونبعد عن بعض نرتاح
موقفي صعب ماعاد اعرف شسوي اروح ولا اجلس ؟
خصوصاً انه اساساً نفاسي بيكون عند اهلي
لان رافض اولد هنا 😪