بكمل عشر سنوات يارب رحمتك

السلام عليكم ورحمة الله وبركاته
اللهم صل وسلم وبارك على نبينا محمد
سبحان الله الحمد لله لا اله الا الله الله اكبر
اخواتي العزيزات انا بعد شهر بكمل 10سنوات زواج ما شاء الله
لكن في هالعشر سنوات ابدا ما اتوظفنا لا انا ولا زوجي
مشاعري متلخبطه مره حزينه مره اصبر نفسي احنى ساكنين في بيت العائله بشقه بس الشقه ماهي لنا عمرها اخوه الي مش متزوج وسكنا فيها الين يتزوج
جالسه افكر هل بيقضي عمري وانا مقتصده والملابس ما اغيرها ودايم اخاف من بكرا وكيف بيمر و ولدي اخاف ينتبه ويصير يقارن
حتى الاسواق قاطعتها زمان كل شي قاطعته اقتصرت على بجامتين و فستان قطن له ثلاث سنوات لما تصير مناسبه اختي وامي يعطني فلوس ومره اتضايق احزن ع نفسي شهادتي وش فادتني فيه مع انهم الله يجزاهم خير ابد ما يتضايقون لما يعطوني بس انا اتضايق واصير حزينه ومكسوره
ومطبخي عباره عن غاز وثلاجه وشوي صحون ع عددنا بس بس قدرت ارتبه بطريقه حلوه الحمد لله
وغرفة النوم مره اخو زوجي كنا طالعين وجاء ياخذ اوراق وشافها انو بس سرير وخزانه صغيره حزن علينا الا فجئه جاء وغيرها غصب عنا الله يجزاه خير عارفه ان نيته طيبه بس انا يا بنات ما ابي انو يكون لحد فضل علي ما ابي احس با النقص ابي شي لي انا ابي ارتاح نفسيا ابي ادخل المول الي اسمع عنه ما ابي اشوفه بس من برا ابي اكل السينامون الي اشوف صديقاتي يمدحنه ابي احس بعزة النفس
زوجي ما ترك مكان ما قدم عليه واخر شي استقر قبل يومين بمحل خضار بس الراتب جدا قليل يعني حرام اشوف راتبه زي كذا واروح اشتري جزمه ولا شنطه
مدري كيف اشرح بس زاد خوفي من بكرا وبعض الاحيان اقول بكرا بيعوضني ربي بشي ما احلم فيه
وقبل كم سنه كنت اقول بأذن الله مانكمل عشر سنوات الا واحنا متوظفين عشر سنوات باقي عنها شهر
وش الفايده من الموضوع بس حبيت اطلع وجع قلبي الناس ما يعرفوني حتى يواسوني واخذ راحتي امي دايم اذا شافتني تقول لا تخافين محد ميت من الجوع ما درت ان حتى الخبز الاخضر اكلته بعض الاشهر الاحوال تتحسن وبعض الاشهر مزريه
دعواتكم الله يجزاكن خير