بكى وبكاني لمن يضعف قدامي

السلام عليكم
امس يا اخوات زوجي كان قاعد معانا بالبيت على الظهر جالس يناكد فيني ويمازح ويثقل دمه فجأة اتصل عليه ابوه يحضر للمصنع بسرعة بس عشر دقايق يشيل امانة انوضعت بالمصنع
راح وعلى قوله شوي يا ثورة وارجع لك ومزح مع بنته شوي
الكلام هذا كان قريب الظهر
صار العشاء ومارجع ابدا وما دق
اتصلت عليه قالي انا ضيعت مفتاح سيارتي بالمصنع وانا عالق هنا
من حديث ل حديث وانا قاعدة الاحظ انه صوته يختنق اكثر
بكى فجأة وقالي تكفين ادعي لي احصل مفتاح سيارتي ورب الكعبة استوحشت لك وللبيت ولجلستي معاكي ومع بنتي وربي غصيت طول هالوقت قاعد بروحي مع العمال واشتقت لك ول بنتي ولبيتي كله
صراحة بكاني وعيوني انتفخت من كثر البكاء على اسلوبه وتم نايم هناك بالليل
الصباح رجع وانا نايمة لقيته يمسح على راسي ووجهه متغير وحاضن بنته بقوة
ورجع العصر لعادته يهاوش فيني ويناكد
بنات ايش طبع الرجال لي مثل هذا بالله جنني
تراه اكثر من مرة سواها يدق ويصير يبكي اذا تأخر او بعد ب امور العمل فقط يتصل ويقولي وحشتيني وبنتي اشتقت لها