بلاوي التصوير :)

الحمدلله الذي عافانا مماابتلاهم به وفضلنا على كثير ممن خلق تفضيلا
كنا عايشين مرتاحين ومبسوطين الين طلعو لنا في السناب والسيلفي ومااعرف ايش
الوحده تغسل وجهها تصورت سيلفي تحط مرطب سيلفي طلعت لها حبه في خدها كمان سيلفي تاكل وتشرب وتمشي وتشتغل والجوال لاصق بوجهها عشان هالسيلفي
زوجها خبطها بالكرسي على راسها سيلفي وادعوا لي احسه صار مرض هالتصوير
هذا غير اللي يضيع جوالها والاينسرق قلبها بيوقف لانه كله صورها وصور صديقاتها وبنات عيلتها طيب ايش استفادت بالله؟؟
الله يهدي بناتنا وبنات المسلمين اجمعين ويرزقهم الحياء والعقل

اي والله صآجه من هالبرامج .. الحافظ الله

ماعاد فيه مفر من التصوير

انتي فاي جلسة ممكن وحدة تصورج وانتي ماتدرين عنها




وفي سؤال بعد يطري في باالي

ازواجكم عندهم صور لكم ؟ انزين واذا صار طلاق ؟

منيره ، انشهد بكل مكان تجيج الفلاشات اصلاً شكلهم يروع وتطلعين بصوره مغمضه ههههه

الله لايحلل كل وحده تصور اعراض الناس ترا اللي تصورينها وتنتشر صورها من خلالك تعتبر مظلومه وبتدعي عليك وربي بيستجيب .. جيل منفلت لاتربيه ولا اخلاق ولا خوف من الله ..الله حسيبهم