بلييييز ساعدوني ...انا محتارة من امري...

بسم لله الرحمن الرحيم
السلام عليكم جميعا
انا حدخل في الموضوع على طول
انا متزوجة لي تقريبا عشر سنوات من انسان مرة طيب واخلاق وعمرو عمرو مامد ايدو عليا ودايما نتمشى ومايقصر علي بشي بالبس احسن لبس واكل احسن اكل ابوه وامه متوفيين واخوانه واخواته كلهم متزوجين وهو اخر العنقود اوكي....وهو يصير ولد عم امي يعني يقربلنا
ياحبيباتي....... بس بيتووووووووتي جداجدا جدا واذا خرج يخرج معايا بس اصحابه قليلين معدودين على الاصابع
المشكلة تكمن في العزايم والمناسبات >>ويبغاني لاصقة فيه على طول ماروح ولا اجي الا معاه هو>>ودائما دائما نقطة الخلاف والنقاش ...وتقلب مضاربة وصراخ ....
.يعني تلاقيه مايخليني احضر المناسبات الا تبعت اهله يعني اخواته واخوانه وتبعت اهلي مثلا جمعات خالاتي وخيلاني لا مايخليني >>مهما ادعلعله واتغنجله ...خلاص لما يقول لا يعني لا >>>عنييييد مرة >يقولي مو لازم بعدين تشوفيهم ويعدي كم شهربعدين اشوفهم هادا اذا حن عليا >>يقولي انا عليا ماحرمك من ابوكي واخوانك واخواتك بس غير كدا مو لازم >>مع اننا قرايب زي ماقلتلكم..وخيلاني وخالاتي اولاد عمه ..
ودحين لما صار فرح اختي نهاية الاسبوع الماضي ...تخيلو مافزعلتلها بشي...مارحت ولا جيت بس على طول حضرت الفرح حتى لما حضرت قالي الساعة وحدة بالكتير وحدة ونص تكوني في البيت >>يعني لا تفزعيلهم بعد الفرح مو لازم في اخواتك يقومو بالواجب...ماكاني اختها كاني وحدة ضيفة ..
الان انا معزومة عند اهل زوج اختي>>هادي الي اتزوجت .. عشان بيعملولها صبحة او يسموها عندنا بداية (بشد الدال)وماهو راضي يخليني اروح يقولي انا اجلس مع مين وتخليني لوحدي (طبعا هادي الحجة الي دايما يتحججلي بيها عند كل عزيمة ومناسبة اذا كانت من طرف اهلي )
لا والمشكلة انو خالاتي دايما يسالوني فينك ماجيتي العزيمة الفلانية ولا الجمعة الفلانية
اخخخخخخخخخخخ ياربي ايش اسوي....والله مني عارفة دايما مشاحنات ومضاربات في موضوع العزايم يقولي فين انا اروح اجلس لوحدي زي القرد
وعارفين ياحبيباتي لما اغض النظر عن الروحة ولا العزيمة احسه مرة ينبسط ويفرح>>>>بس كمان ياخواتي انا لي حق ابى اشوف ناس عالم مو بس لاصقة فيه 24 ساعة
تخيلو احيانا احس نفسي نفسي اسكن بعيد عن اهلي واهلو عشان دي المشاكل...والله امس جاتني افكار شيطانية اعوذ بالله >>>اني ازوجه وحدة تانية عشان تجلس معاه لما انا اخرج >>>>اصلا هو دايما يقولي دا الكلام انتي تبى تروحي براحتك زي ماتبي زوجيني تانية وانا اخليكي تروحي بس مجلس لوحدي .....
بليييييييييز ساعدوني ايش اسوي
والسموحة اذا طولت عليكم


ام تمارا المحتارا