بليييييييييييييززززز بنوته بعمر 6 شهوور/تم وضع روابط بداية موضوعك

هلا دلوعته ..
فديتها ما حبت السيريلاك ..!
أجل خليها براحتها وهي من حالها لا كبرت وصارت حرمة حدور عليه وتشتريه عشان تآكله >> اسأليني مجربة : ) ..
على العموم انتظري لين تكمل الست شهور تمامًا ثم اعطيها الأكل المسلوق ..
جزر مسلوق ..
كوسا مسلوقة ..
قرع مسلوق ..
بطاطس مسلوقة ..
وممكن تضيفي لهم الرز , وقطعة صغيرة من صر الدجاج وبعد السلق تخلطيم في الخلاط ..
وبالبداية اعملي كل صنف لحاله وبعدها بشهر اعطيها كل صنفين مع بعض ..
مثل البطاطس والرز مع بعض , و الخضار مع بعض ..
وكمان جربي الفواكه المهروسة ..
و الموز المهروس بالشوكة ..
وانا كنت اسلق حتى الفواكه بعد ما اغسلها واقشرها كويس اسلقها شوية وبعدين اهرسها ..
وخاصة التفاح والكمثرى ..
وعشان تشعري انها تاكل اعملي كمية قليلة جدًا ..
يادوب على قدها وإن خلصتها نعمة من ربنا بس لمن يكون الأكل قدامك كثير حتى لو أكلت راح تشعري
إنها ما أكلت ..
وكمان التنوع مهم للطفل يعني كل يوم اعطيها شيء بالإضافة إلى الحليب والرضاعة ..
وبسكويت الأطفال كمان حلو لو تكسريه وتذوبيه مع الحليب ..
وكمان لا تنسي الاهتمام الكامل بالنظافة لأن كثيرأطفال تبدا معاهم النزلات المعوية لما يبدون بالأكل ..
ولا توكلينها عسل أو سكر أو ملح قبل عمر السنة ولا تنسين تشربينها مويا بعد الأكل ..
والله يحفظها لك ..
:26:

هلا حبيبتي ..

أولاً .. بالنسبة لليانسون من رأيي توقفينه ، لأن الغرض منه - على حسب علمي - أنه يخفف المغص والاطفال في سن ال ٦ شهور يروح عنهم المغص ..

أمّا بالنسبة للأكل ياقلبي أول حاجة لازم تبدين تأكلين بنوتك لأنو خلاص صارت حرمة ولازم تبدأ تاكل ، لأن الحليب لوحدة مايسد حاجتها من الغذاء ..

ثاني حاجة : أبدي معها بالتدريج مثلا ابدي أول يوم بملعقتين ثاني يوم ثلاث ثالث يوم أربع .. وهكذا
ثالث حاجة : أبدي اعطيها صنف صنف عشان تشوفين هل بنتك تتحس من هذا الصنف أو لا ( يعني تختبرين كل صنف هل يناسبها أو لا ) فممكن تبدأين أول ثلاث أيام تعطينها موز ثم ٣ أيام تفاح ثم ٣ أيام كوسة وهكذا
رابع حاجة : الأكل اللي بتاكله لازم يكون مهروس وطري (تسلقين الخضار أو الفاكهه او الرز ثم تضربينه بالخلاط عشان يكون طري لها وتقدر تاكله)
خامس حاجة : الاكل اللي ممكن تاكله ( الأرز المسلوق ، الخضار المسلوقة مثل : ( كوسة ، جزر ، بطاطس ، زهرة ، قرع ) ، الفواكة المهروسة مثل ( الموز ، التفاح ) تسلقينها بدون أي اضافات فقط ماء



وبس هذا اللي عندي يآقلبي
أتمنى أني أفدتك ..

والله يخلي لك بنوتك ويحفظها ..

آنين الشـــوق
مخمليـه

الله يعطيكـم الف عاااااااااااااااافيه ..
ماقصرتو جزاكم الله الف خيييييير..

خالتي ولدها له ٦ شهور
حبيت انقلك كلام الدكتوره لها عن غذا طفلها
تقول ابتعدي عن الزبادي لاتعطينه الامن عمر سنه وفوق
تقول السيريلاك حلو مره ومغذي للطفل خاصه اللي حالتهم الصحيه ضعيفه ونحيفين
تقول فقط عطيه من الفواكه البرتقال والتفاح فقط فقط
التفاح اهرسيه له وفالبدايه ذوقيه بس لان اول مره غريب على جهازه الهضمي اذا ناسبه استمري عليه طبعا بكميات قليله
بالتدريج لين يكبر لان معدتهم صغيره وماتتحمل وعشان مايصير له امساك
والبرتقال اعصريه وخففيه بمويا وعطيه بالملعقه ...
والخضراوات افود شيء له الجزر والبطاطس
اسلقيهم بمويا بس بدون اضافات حتى ملح بدون وبعدين بالخلاط وعطيه بالملعقه
بس وكثري الماء ولاتكون بارده مره تحوس معدته وتضر صدره

اذا استفدتي ادعيلي وادعي لخالتي 

روج احمريكا
ياقلبي فديييييييييييتك ع النقل ماقصرتي والله
ايوواا الله اني استفدت ياروج
الله يوفقلك ويجعله في ميزان حسناتك يارب
ويبارك لخالتك ويخليها مولودهاا ..