بنااات محتاجه لشوركم الله يسعدكم

السلام عليكم ورحمة الله وبركاته

كل عام وانتم بخير وتقبل الله منا ومنكم صالح الاعمال

بنااااااااااات الله يوفقها ويسعدها اللي ترد علي بنات محتاجه لأرئكم

اول شي اتمنى من أي وحده تدخل تدعي لأبوي الله يرحمه ويغفرله

والله يابنات ضايق صدري حيل ان العيد يمر علينا من غير الوالد

بنات انا في مشكله وانا اللي حطيت نفسي فيها من غبائي الزايد واتمنى اللي تدخل لاتلومني
انا وخطيبي مسجلين بمنتدى بس انا مااشارك فيه كثير لاني احب المنتديات النسائيه اكثر
وقتها ماكنت اعرف وش النت كنت على نياتي مرره ومو فاهمه شي احسب كل الناس
اللي بنت مثلي يدخلون عشان يستفيدون ويتسلون ماادري ان بعهم تفكيرهم دنيئ
وقبل تقريبا 6شهور كنت بمووضوع انا وعضوه معنا وعضو كمان كنت احترمهم مره
وكنت اسولف بحسن نيه وكانت البنت اللي معنا تخطط انها تسوي مقلب بوحده معنا
بالمنتدى وقالت كلنا الثلاثه وسوت ايميل وعطتني اياه على اساس هذا الايميل اللي كون موجود
يدخل عليه وتكون موجوده البنت ونستهبل عليها انا اخذته منه قسم بالله مو في بالي شي
ولاكنت ناويه ادخله ولا ني اصلن ماحب ذي الخرابيط وعطته العضو اللي كان معنا
الله يبعد شره عني يارب
المهم اليوم اللي بعده دخلت على الايميل ولقيته ضايف نفسه فيه انا والله ماكنت ادري
شي عن الايميلات حتى الايمل حقي مخليته اسجل فيه للمنتديات ولا اعرف كيف اضيف
قام سلم وانا بحسن نيه رديت عليه وقام يسولف وانا عادي يعني سوالف عاديه عن المنتدى وماطولت
يعني خمس دقايق وطلعت وبعدها مادخلت دخلت بعد اسبوع لقيته قام يسألني ويحلفني اذا كنت بنت
قال اغلب الشباب يدخلون بمعرفات بنات قلتله انا بنت قال وش اسمك انا هنا توني اصحى وانانتبه
قلتله يلا بطلع قال لحظه عندك مايك قلتله خير قال بس عشان اتأكد انك بنت
انا عصبت وطلعت وحذفته ومن بعدها خلاص حتى المنتدى ماصرت اشارك فيه بس ادخل اقرا مواضيع خطيبي
بس مو هنا المشكله المشكله ان خطيبي تعرف عليه واخذ رقمه واخاف اذا كلمة يقوله عني ويطلع كلام ان انا ضايفته واكلمه وتعرفون خبث الشباب حسبي الله عليه خاصة اني حاسه انه قال للي يعرفهم بالمنتدى
وخطيبي يبغى ينزل موضوع يقول للاعضاء عن خطبتنا من بعض لانه متعلق بالمنتدى كثير وباعضائه
وانا خايفه مره لانه لو عرف احتمال كبير اخسره وانا احبه مره ومااتخيل حياتي من دونه
ماادري وش اسوي اقوله واصارحه قبل مايعرف بس اخاف افتح علي باب ويبدا الشك يلعب بينا
ويزعل ويتركني او اسكت وخلي الامور تمشي من نفسها
والله يابنات متضايقه مرره وماادري وش اسوي الناس تعيد وفرحانه وانا حالتي حاله
الله يجزاكم خير ويوفقكم يسعدكم اتمنى تدعولي ربي ييسر امر ملكتي ويسهل امور خطيبي
ويبعد عنا عيال السوء ويسخر خطيبي لي يااااااارب وغفرلي
واسمحولي اذا كان كلامي مو مفهوم وملخبط بس والله من الضيق اللي فيني واتمنى ماحد تلموني