بنات إدعولي الله يخلصني من هالإنسان إللي ناوي يأذيني

بنات ياليتكم تدعولي إن الله يخلصني من هالإنسان إل ناوي يأذيني و ماعرف شو ممكن يسوي ولوين أفكاره ممكن توديه..باختصار وياليت لو ما تلوموني لأن أنا عارفه غلطتي إني إستغليت هالرجل عشان يسويلي بعض الخدمات إل ما كنت أقدر أسويها..يعني مجرد مصلحه فقط..وهذا الرجل آسيوي الجنسيه...يعني مجرد خدام لي لا أكثر ولا أقل كنت أرسله يسويلي بعض الأشيا مثل يصرفلي شيكات أو يدفع لي فواتير التيلفونات وفي بعض الأحيان إستخدمته كسائق.وهو يعمل معانا في المؤسسه..لكن بعد فتره هالرجل بدت تتغير أفكاره ولا أعلم شو صار.بس ماحب حتى أذكر لكن إل فهمته وكعادة الأسيوين وتفكيرهم الساذج أعتقد بدأ نوع من التعلق أعوذ بالله.وأنا بعد ما شفت هاي الأمور وققته عند حده وقلت لو شوف أنا إنسانه مواطنه ومن أهل البلد ومسلمه وعندي أهل وناس ومارضا بها التفكير وبهذا الكلام الماصخ إل تقولي إياه إحترم نفسك إنت واحد تعمل معانا ومجرد زميل لا أكثر ولا أقل وأنا وراي أهل ما يقبلون بها الشي.أنا في نفسي يا بنات والله نادمه ما حطيت في بالي إن هالأحمق ممكن تفكيره يوصل لهاي الدرجه وأ،ا مجرد مصلحه يعني كنت مثلا إذا خدمني ممكن أعطيه غرض بسيط لبنته الصغيره كنوع من الخدمه وهو كان يعمل خدمة التوصيل لكثر من الموظفات فالشركه وأنا من ضمنهم..تخيلوا قام يرسل لي مسجات بعد ما تضاربت معاه وقلت له خلاص إبتعد يلا مافي أي شي من بعد اليوم إنت ماتحترم نفسك ولا تعرف شو يعني وحده مثل أختك الصغيره أو زميلتك ماعندي إستعداد..أحين يا بنات خايفه لان يهددني يقوللي ما يهمني تقوليلي إحوانك ولا تهدييني أنا ماخاف من حد ولو أبغي بجي لين البيت..يا بنات والله يالسه أدعي ربي يفكني منه خايفه يسويلي مشاكل..يا بنات أعرف غلطت وايد لكن و الله ماتوقعت كان هدفي أقضي مصالحي..وبس بليز إدعولي الله يخلصه...