بنات ابي استشريكم بجد بجد (هل اتغير واصير شريره)؟

السلام عليكم بنات


اتمنى تقرو موقفي وبعدين ردولي .


امي وابوي انفصلو ورحنا انتقلنا نعيش ببيت اهل ابوي ، ساكن فيه عمي ، واحنا عايشين مع زوجة ابوي بس مو هي المشكلة ،المشكلة يبنات بعيله ابوي كلهم حقون نقل كلام وحقون مشاكل يعني لي سنه تقريبا عايشه معاهم والله حصلت لنا 10 مشاكل كبيره لدرجة اكتئبت فيها ونفسيتي بالحضيض ا، نقل الكلام والمشاكل واتهامات يتهمونا انا واخواتي بحاجات ماعملناها ويدققو بتصرفاتنا وينقلو ويوصل لابوي وابوي يحب اهله اكتر مننا فيجي يخاصم ويهزئ ويبهدلنا .. وانا اعرف ان كل هالشئ بلاااء وبس ارجو من ربي انو تغسل خطاياي حتى ادخل الجنه بدون حساب ..


المهم الحين معظم مشاكلنا الحاليه من مرت عمي .. وربي انا ماادري اش تحس بنفسها والله اتعجب هل هي مريضه ولا شنو .. نقلت كلام فينا وانا ماابي اذكر تفاصيل لانو وربي حأنعرف لانو كتير منهم مشترين بحواء وانا متأكده لو اسهبت حأنكشف واتبهدل .. المهم ف شخص يقربلي من عيله بابا ماابي اذكر صلة القرابهه للاحتياط يعزني و قادر يوقف مرت عمي دي عن حدها ويخرب عليها بس عيبه ردت فعله قويه يعني يشتم فيها ويمد يده عليها !!!
و لانوهي عملت مشاكل مع اخريات وااتطلقت مرتين وباقي لها طلقه وخلاص تصير ماتقدر ترجع لزوجها واصلا هو متحملها عشان عيالها وايضا الي مسكتني انو عندها بنتين صغار عمرهم سنتين يحبوني واحبهم واعرف عمي دا حيحرمهم من امهم وخلقه انو يكره البنات كره العمى ، وعلما انو قد اتطلقو امي وابوي وانا طفله واخدني دا عمي ووراني نجوم الليل بعز الظهريه ، يعني وربي قلبي مؤنبني انو يضيعو هالعيال وهم وانا طفله مرحموني لكن تربيتي ماتسمح لي ارد واخب بين الناس وترا انا انسانه اقدر ارد واقدر انقل وانتقم مثلهم بس خوفي من الله وتربيتي ماتسمح لي بكذا انا مثل المصدومه اني ابتليت بمثل هالبيئه ..:(

حأذكرلكم موقف لتفهمو قد ايش بنعاني انا واخوواتي .
انعزمنا عند مرت عمي أخرى بس طيبه ، والمهم وهي جات ، وانا مابيني وبينها كلا م بس جاتني وتدق فيا بالكلام ، وحتى مرت عمي الطيبه ذي ساكته وباين انها فاهمه انو جالسه ادقدق ، واخر شئ قالت لعمي لما رجعناا انو البنات زي الاميرات مايقومو يودو ويجيبو ويباشرو! وفي اليوم الثاني ابوي جاء وبهدلتنا ، بعدين شهدت مرت ابوي اننا اشتغلنا ووقتها تركنا ابوي من التهزيئ !! بالله اش رايكم !؟

بس سؤالي الحين طيب صارو يتمادو أكثر بنقل الكلام وانا كتبت لكم واهو توه ابوي بهدلني من نقل كلام من مرت عمي ذي يعني انا بأتضرر نفسيا ، كيف اتصرف؟؟
ملاحظة اانو لما تشوفني وهي عارفه اني اتبهدلت بسببها تتكلم وتسولف ماكأنها عملت شئ وربي في ناس نقلو من العماره بسببها وماابي اسهب للاحتياط بس بقولكم لأي درجه الناس بتنفر منها واحنا مبتليه اني بنفس عمارتها ؟؟
اش اعمل ؟؟