بنات ابي مشورتكم تكفون لا تخلوني

اول شي مبارك عليكم الشهر ثاني شي ابتدي بموضوعي أنا قبل خمس ايام صحيت من النوم واول ماصحيت جاني شد عضل في ساقي من ورا وقمت ومشيت عادي ولا امداني امشي خطوتين الا أطيح ويغمى علي ويوم ودوني المستشفى طلع عندي كسر في كاحل وطبعا لازم تجبيره المهم أنا ضايق صدري تعرفون رمضان صيام وقيام وجمعات المهم ان أنا ساكنه في شقه فوق اهل زوجي وكل رمضان متعودين نفطر عندهم طبعا كل يجيب الطبق المهم ان أمي تقول خلاص تعالي فطري عندنا زوجي قالي في الاول ورحي بيت اهلك بس قلت اصبر يومين ارتب وضعي تعرفون اغراضي واغراض عيالي وانا امشي على عكاز والحركة متعبه علي بس يوم مر يومين غير رأيه ويقول اجلسي واخلي اهلي يجبولك اكل طبعا أنا عندي شغاله لها خمس شهور جديده قلت. مو مشكله اجلس واخلي شغاله تطبخ وأكون معها على الكرسي بس تجلس تفجر معي لان الدرج صعبه انزل واصعد قال لا انزل افطر بيت اهلي قلت اجل خلاص انت بيت اهلك وانا بيت اهلي طبعا سكت وقال روحي بس تحملي يجيك وانا ماودي اروح وهو زعلان لان أورا رحت وهو زعلان مايكلني ولا يجي لعياله وانا ودي اروح عن طيب خاطر منه وانا ماراح اجلس رمضان كله بس اسبوعيين لين يخف الانتفاخ في رجلي ورمضان مو حلو تفطرين لوحدك حلو مع جماعه او اي احد معك وانتو وش تقولون شوري علي او كيف أتصرف معه كيف اكلمه باي طريقه او باي اسلوب الله يخليكم نورني وساعدوني. اي نسيت اقولكم ان هو بروح خامس رمضان بيسافر يعني بجلس لحالي