السلام عليكم ورحمة الله وبركاته
بدخل بالموضوع على طول
انا انسانه ماروح مشاغل كثير لاني قليل ماحضر مناسبات كبيره او زواجات
الي ابغى اقوله ان اخر مره رحت فيها للمشغل
اشوووف حريم كثير عادي عندها توصل شعرها الي تدفع على الخصله ذاك المبلغ والي استغفرالله تطلعها من شنطتها
وش طولها ليه وصلنا لهالمرحله لهالدرجه نحب الزين والكشخه خلاص نسينا الدين
انا متأكده مليون بالميه ان كلهم عارفين الحكم طيب حرام ونسويه ؟؟؟
انا يابنات ماني ملتزمه ولا شي واتمنى الله يهديني بس الحمدلله اي شي حكمه واضح اتجنبه بس بصراحه صعقت من
كثرة الحريم الي جايين يوصلون صدق صدق مافيه عقول وش على بالها الي توصل بيمدحون شعرها؟؟ لاتفرحين مو شعرك
كلها ساعتين ومطلعته من شعرك والا تبي تسوي نيو ستايل علشان تعجب الناس وهي عند رب العالمين ملعونه
خلاص يابنات كل شي استحليتوه النمص والتوصيل بنات تكفون اتقوا الله كل شي حرام سويتوه
انا يابنات والله انسانه عاديه اميل للتفتح بس تضايقت مره من الهبل الي شفته والله كلما شفت وحده توصل اني احقرها
واقول ياسبحان الله جريئه عادي تركب قدام الله وخلقه تجاهر بالمعصيه
نقول يالله نحسن الظن فيهم يمكن فيهم الي ماتعرف الحكم نقولكم يابنات ترا الواصله مللللللللللللععععونه
عن أسماء بنت أبي بكر قالت : جاءت امرأة إلى النبي صلى الله عليه وسلم فقالت يا رسول الله إن لي ابنة عُرَيِّسًا
أصابتها حصبة فتمرق شعرها أفأصله ، فقال ( لعن الله الواصلة والمستوصلة )
وانتي بعد يالي تركبين التوصيله تراك ملعونه
اعذروني بنات لو كان الاسلوب ملخبط بس والله من كثر ماني متضايقه وحاسه انو لازم اكتب شي لكم الي ماتعرف
ان شاءالله اوعيها والي تعرف ان شاءالله تترك هالشي
" سبحانك اللهم وبحمدك ، أشهد أن لا إله إلا أنت أستغفرك وأتوب إليك "ـ
أم عبدالعزيز* @am_aabdalaazyz_4
محررة برونزية
يلزم عليك تسجيل الدخول أولًا لكتابة تعليق.
جزاك الله خيرجزاك الله خير
والله صدقتي ياوخيه الضاهر ان الحرام بهالزمن حلال يارب تهديهن وتفتح عقولهن ولا اذا نصحتيهن هبن فيك كنك ذبحتيلها احد من اهلها نسال الله الستر.....
صحيح كلامك لعن الله الواصلة والمستوصلة كلنا نحب الجمال ونجرى وراهو ولكن نبتعد عن المحرمات ان شاء الله نكون من عباد الله المستورين والمتمسكين باحكام الله وربنا يسترنا يوم الحشر العظيم
الصفحة الأخيرة
بنات لاتنسوني من دعواتكم إن ربي ينجحني في إختباري وييسر لي كل خير ويرزقني من فضله..... محتاجه دعواتكم
ولاتنسون الصلاة على اشرف خلق الله محمد عليه افضل الصلاة والتسليم