بنات ادخلو ... للمتزوجات والعزوبيات......مهم

السلام عليكم ..
بصراحه هذا اول موضوع لي .. واتمنى تفاعلكم معاي وتجاوبوني ..:confused:
الله يسلمكم كنت معزومه عند وحده من الجيران وعندها حريم .. الشاهد .. ان في وحده من الموجودين ماكان عندها سالفه الا انتوا من اي قبيله وش ينقالكم .. اكيد بتقولون طيب عادي ما فيها شي .. لكن وش رايكم لما تتكلم وتقول حنا يالقبايل مناخذ من الحضر .. وبصراحة كان في ناس من الموجودين موقبايل ( وتكلمت عنهم وكأنهم انجاس ) وقالتها بطريقه متعمده انها تحرجهم وقالت كلام واجد ينتقص من قدرهم وصارت تتباهى وتقول حنا قبيلة كذا ما نرضى بالي ياخذون من الحضر وتقول هذول مو من مواخيذنا ... وكأتهم (يهود )وتتكلم باحتقار ... وبصراحه الموضوع اثر فيني مع اني قبيليه وما اتفاخر لكن حز بخاطري احراج اعز وحده من صديقاتي (الغير قبيليه ) ..وحنا المفروض مانكون بهسطحيه ولازم نغير هذه النظره وننضج بتفكيرنا .. يمكن ما عرفت اشرح كل الكلام اللي قالته واللي فيه تجريح وانتقاص قدر الاخرين لكن حاولت اقرب الصوره...
قال عليه الصلاة والسلام ( ان اكرمكم عند الله اتقاكم ) ولم يقل اعزكم قبيلتاً..ارجو منكم اذا قراتو موضوعي انكم تراعون مشاعر الاخرين وكفى تجريحا وانتقاص من قدر الاخرين ...
اسفه على الاطاله ... وتسلمون..