اشعر بوجعك واشاركك همك والله كانك تتكلمين عني انتي تعيشين نفس ظروفي ابتدا من فقدان الاب والمعيشه على الضمان وتاخر الزواج وهروب الناس مني وخوفهم وتجاهلهم وعدم تيسر وظيفه... بصراحه انا ابعدت وتجنبت كثير من الناس الي يضغطوني نفسيا لاني موناقصه وجع وارتحت لو شوي لما بعدت عنهم مايحرق قلبي الا الاطفال نفسي بطفل اشمه اقتربت من الاربعين ونفسي ملهوفه على الاطفال بشكل جنوني اسال الله لي ولك وجميع البنات بالزوج الصالح والذريه وان يعوضنا الله عما فات خير العوض

بقولك كلامي بصراحه وبدون تجريح او استنقاص فيك او باللي حولك .. ( ويمكن كلامي ملخبط )


اولاً : انتي اللي معيشه نفسك بالدائره السوده التشائميه هذه .. من اولها اسمك هنا ( وحيده بهالزمن ) الله يخلي لك اهلك .. و من ترجمتك لكلام وتصرفاتك الغير بآمور عقلك الباطن يفكر فيها ..


يا عزيزتي والله الزواج من كل شي بالدنيا (ومااقولك انه ولا شي ) بس هذا نصيب و مو حرام ان الوحده ماتتزوج
بالعكس ثقي باختيار ربي لك .. الله مايكتب لعباده الا الزين لهم ماابي افترض شي مو كويس بس يما تمنينا اشياء و نتبكبك بالليل ميتين نبيه وبعدها نكتشف ان خيره ماصار لانه مو من صالحنا ..


ثانياً : عزيزتي بهذا الزمن محد بيسندك ويساعدك الا نفسك ( وظيفتك/ مالك الحر / شهادتك ) ... مالقيتي وظيفه ؟ اسعي ابحثي طوري نفسك .. سوي شي تحبينه وخليه تجارة .. ادرسي تعلمي .


ثالثا: كلام الناس اذا بنوقف حياتنا ونفسيتنا عشانهم عزى الله ماعشنا لان محد عاجبهم لا اللي متزوجه ولا الارمله ولا المطلقه ولا الانسه ..فا قوي ثقتك بالله و بنفسك انتي فيك اشياء جميله و نقاط قوى بس مشكلتك تشوفين نفسك من خلال نظرات الناس اللي على تحطيمهم لك لو تدخلين حياتهم تلقين كلن له نقص يبي يكمله باستنقاص الاخرين ..




ونصيحه لكل البنات :
والله ثم والله محد بينفعكم الا انفسكم ومحد بيسندكم الا انتو ... لا زوج ولا اخوان ولا عيال
الزوج بيسحب وبيعرس ولا بيطلقها ولا بيذوقها المر ...
الاخوان بيعرسون وكلن بينشغل بحياته
والعيال نفس الشي ..


فا اذا الوحده ماسوت شي يسندها بشبابها لاتنتظر من اي شخص بيساعدها ...


وبس

حبيبتي سجلي في موقع العفاف..وحطي مواصفاتك ومواصفات العريس اللي تبغيه والموقع ثقة 100% لا تخافين اتوكلي ع الله وسجلي..ربنا يفرج همك

لا لا انتبهي من موقع العفاف والخطابات كلهم راعين سوابق ولعابين بتفشلين عند اهلك ماحد يبيهم ادعي ربك وبس

الله يرزقك بالزوج الصالح والذرية الصالحة يارب