بنات الخبر يتفضلون.و.لهن خالص الدعاء

السلام عليكم ورحمه الله وبركاته..

كيفكم بنات حواء الحبوبات..ان شاء الله بخير..

راح ادخل بالموضوع دوغري..

زواجي بعد شهرين اذا الله تمم على خير ان شاء الله..

بصراحه كانت امنيتي اجهز من الرياض لاني بصراحه عاشقه مجمعاتها..

لكنها بعيده علي فاللي صار عرض اخوي علي الخبر قلت الخبر الخبر..

لكن المشكله ماعرف فيها شي ابد ابد..

اتمنى مساعدتكم لي وكعادتكم ماعمركم بخلتم علي باي معلومه تفيد

وكلي ثقه فيكم..

واللي ابيه محلات معينه مثل.. لاسنزا .. ايتام .. نعومي .. شانتيل ..

ماركس اند سبنسر .. نــكــــتار وشنو تنصحوني اخذ منه وتحسون بيناسبني

.. مكياجي .. مكياج ماك وين احصله.. دبنهامز..

منتجات فيكتوريا سيكرت وين احصلها واذا فيه القمصان والبيجامات..

ومجمع الراشد شنو المحلات اللي فيه

وياليت تكون المحلات بمجمع واحد او قريبه من بعض علشان اخوي ما يتملل ويهون

مايوديني :(

وقبل فتره شفت عبايه البشت حلوه على وحده سالتها من وين قالت مسويتها عند

شروق بشارع السويكت جدام العيسائي اللي يعرف اي شي لا يبخل..واي معلومه قد

اكون ماذكرتها او غفلت عنها واذا فيه شي زياده ينفع للتجهيز بليز لحد يبخل..

لاني بروح بعد يومين وبقعد بس يومين يعني لازم اضغط على نفسي علشان

اجهز كثر ماقدر و يخف عني اشياء..واسفه لاني طولت عليكم اتمنى تعذروني

والله يجزاكم خيرا على المساعده اللي تقدمونها..

سلام