بنات الرياض +التاسع كل وحده تقول نظامها :)

وعليكم السلام
هلا حبيبتي موضوعك حلو وانا كمان بكريه في التاسع وإلي أعرفه يكون شوربات وسلطات وفواكه
والأهم من ذالك التمر والمشروبات الساخنة مثل القشر والقرفة واليانسون والنعناع وووووو
المهم لازم الحركة على طول حتى يتحرك الدم في جسمك وتنزل الوساخات من الرحم وأنتم بكرامه
وكمان المويه لازم تشربيها بكثره تنظف بس فاتره وأبعدي قدر الإمكان عن الباااااااارد مضر جدا
وأربطي بطنك ولا تمشي على السيراميك حفيانه يعني الشرابات في رجلينك على طول وهاذا إلي عندي إن شاء الله أفدتك ،،،،
أما جلابية الإستقبال شريت رخيص لأني ما راح ألبسها كثير فحرام غالي قيمتها تقريبا ثمانين ريال حلوه طبعا كلها خفيفه حقت الرضاعه ولونها سكري ماأذكر أسم المحل شاريتها من زمان
طبعا لا غنا عن معلومات من البنات يالله أفيدونا

انا والله نظام النفاس نظام امي استخدمه اااااه بس متى اخلص النفاسسس قهر ههههههه
ماقدر اشرب بارد كل شيء فاتر
حتى الهيل بالقهوه ممنوع
تلقيني متبعه النظام الاكل مو اللي اشتهيه اهي اهي

الـ٢٠ الاولات من النفاس حلبه ماتزيد عنها
الـ٢٠ الاخيرة رشاد

نظام امي الـ١٥ الاخيرة رشاد
الـ٥ الايام الاخيرة اكل اي شيء ابيه بس بالليل اخذ ملعقه من الرشاد مع مدري وش معه ههههههه امي مسويته
نظام امي منزلته موضوع

استغفرالله ماحب الاكلات الشعبيه زي المرقوق والمطازيز :( وامي تجبرني على ذلك
الرز ممنوع منه لانه ينفخ الكرشه
زااااد اول فيه ناس في حياتي وش كبر كروشهم هههههههههه
قشر القهووووة ممتااااازة للكرش هي اللي تشرب ليل نهار بدون اضافات

الصبح امي الله يحميها لي

تسوي لي على الفطور
تمر معبوط وتحط فيها الخلطه يالحلبه او الرشاد
قرص خبز زيت بر فيها يالحلبه يا الرشاد
وكاس حليب
وقشر قهوة

بالغدء
شربة كويكر مع قرصان
انا مابي خبز بر ثقييييييل فقلت لامي ابي القرصان اخف اغمس فيه
مع ملعقه ياحلبه يارشاد بعصير فواكهه اشربه على كول العصير مايكون لا حامض ولا بارد يشحط الحلق ههههههههههه هماه بالثلاجه اذا جاء وقت الغداء يحط كاس بمويه حاره فيصير دويفي مافيه بروده يكرم النعمه

بنفاسي الاول كانت مرقة دجاج على الغداء مع قرصان اغمس فيه سوت لي امي مرقة لحم بس عجزت اكل او اشرب المرقه الله يديم النعمه ماحب اللحم ولا نكهته ويالله يالله بعد تقبلت الدجاج ونكهته
امي يارب ترزقها الصحه والعافية والعمر الطويل بالطاعات متعوده على طبخ الزفر لابوي :(
اقول لامي خليني اكل اي شيء تهوووووشني لا اقول والله ماشرب بارد ولا حامض
والله كم مره سرقه اروح وشرب ماء فيه شوية بروده وش اسوي ماتحمل عجزت اقاوم ابي اروي ضمئي هههههه
بس والله مو زين ادري انه خراب بس امرني الشيطان بسوء :D
ببنتي طهرت وانا طبيعي قبل انتهاء النفاس يمكن ب١٠ او ١٥ يوم
انا الحين قيصري ونفسيتي اول البدايه كانت زفت لانه قيصري من وجع بطني وضيقه فاهمالت النص الاول من النفاس امي تسوي لي بس انا اروح اشرب البارد وهي ماتدري او ماشرب الحلبه وتحسبني امي اشرب انسى انا او اتثاقل ويروح اليوم ادري غلط بس والله اول النفاس فيني ضيقه من العمليه

الغداء مرقوق او مطازيز او قرصان
مع كوب عصير فواكهه فيه الاعشاب السابقه
الكوب مو كبير كوب الجبن الصغير
العصير مو فرش عصير الربيع او المراعي
مو مهم العصير مهمته انه يسهل علي شرب الحلبه ورشاد لان الحلبه مرررررره والرشاد نكهته قرف
واشرب ماء زمزم
على كول احط ملعقه حلبه او الرشاد بكوب العصير وبسرعه اشررربه عشان مايثقل بالعصير واشرب عليه ماء زمزم عشان يروح الطعم وقدر ابلعه
لازم على طول تشربينه لان الحلبه تنتفخ بالعصير فيصير ثقيل

واكل فواكهه بالغداء والعشاء
تفاح وكمثراء وخوخ
برتقال لا حامض
لبن لا زبادي لا
اكل فواكهه عشان تسهل لي عملية الاخراج مايجيني مساك
ممنوع الجووووع
الهيل والزعفران يقولون مو زين بالنفاس والدورة

الهواء قصدك تقل فقاعات صغيره تطلع منك
ايه كانت تجيني يوم كنت بنت عادي هذي لانك مو مهتمه بالدورة
لا بالتدفئه ولا بالاكل ولا بالشرب
انا اهتميت يوم تزوجت بس قبل الزواج لا والله ماتدفء نهائيا
لاني بالدورة اصير ناااار واعرق ماقدر البس ازيد العرق

بالحمل غير اكيد مافيه لانه الجنين اخر الحيز الفاضي قبل ومافيه مجال يكون فيه هواء
انتي اذا اهتميتي بشربك واكلك ولبسك والعنايه والجووووع انسيه ماراح يرجع
ولاتنسين تمارين الكيجل
يقولون تسوينها والدورة مو عليك
انا الى الحين ماطهرت مدري متى
اذا ولدتي طبيعي لاتنسين لف بطنك بالشماغ
انا قيصري ماقدر الفه


والاه مادري اشوف بنات هنا موبات يبيعون قمصان استقبال بس والله ناسيه اكيد فيه بالاستقرام برضو مر علي
انا قميص الاستقبال حقي جاي مع طقم البيبي والمفرش قديم حق اختي بنتها عمرها اربع سنين لبسته ببنتي والحين بولدي
يقولون راح هالشيء انا نالي خلق اطلع اشري لي يكفي ذا
قميص فوقه روب

فيه مشروب انا منزله موضوع له عن الكرش تراني شربته يمكن مرتين وانسى عشر ههههه اقولك بولادتي ذي مهمله
اخ بس كرشتي ماتنربط اااااااه مضيقه صدري اخاف على العمليه


المهم كثرت قرق اسفه
وووووو وبس