بنات الرياض السنعات الله يو فق ويسعد اللي ترد علي

السلام عليكم ورحمة الله وبركاته ..........





ابدخل في الموضوع مباشرة بدون مقدمات ......... قررت انا وزوجي وعيالي نقضي اجازتنا (اسبوع واحد ) بالرياض


وبصراحة القرار كان مفاجئ لي لأننا مقررين من زمان نروح لجدة ...ونظرا لكثرة الزحام بجدة في هالاسبوع ..هدا غير اننا دايم نروح لجدة وطفشانين منها ..............لدلك



غيرنا رأينا بآخر لحظة وقلنا نروح للرياض ..(فهل من مرحب ) واللي شجعنا بصراحة جوكم الحلو والامطار اللي يقولون انها عندكم

هدا غير انها عاصمتنا الحبيبه والاهم من دلك اني أصلي وفصلي منها ابا عن جد عن ام ....




المهم ........... انا ما ادل فيها شي ..ارجوكم دلوني على افضل الاسواق وخاصة اللي فيها ماركات غير اللي عندنا بالحجاز

واهم شي بالنسبة لي ابي فساتين سهرة سنعة سواء في محلات او بوتيكات بس مابي تكون غالية مرررررة ب 7 او 10 آلاف الله لا يعاقبنا ......يكفي 3 او 4 بالكثير


وابي محلات فساتين بنات (سهرة ) للسن المحير اقصد 13 و 14 سنه


وابي كوافيرة زينة للقص والصبغة ...قولولي اسم المحل وعنوانه واسم افضل كوفيره عندهم


هدا غير اماكن التنزه والتمشيات اللي عندكم وافضل المطاعم اللي تتمثل بجودة الاكل وجمال المنظر وخاصة للعوايل .........لأني ما بي مجرد صالة كبيرة ومقسمة صنادق وندخل وناكل ونمشي بلا اي متعة او تمشية ...طبعا ابي الخصوصية والحشمة ...بس انا عارفة مطاعمكم ماشاء الله متوفر فيها الخصوصية والستر مو مثل جدة خليطية


الله يجزاكم خير ويوفق ويسعد اللي ترد علي وتعطيني من وقتها شوي ويرزقها اللي تتمناه.. تراي محتاجة لكم وباسرع وقت لاني بكرة الصبح مسافرة ...يعني ***** الله ابدخل النت بعد كم ساعة واشوف تجاوبكم يالنشميات أعرفكم ما تقصرون


الى لقاء قريب ....انا في انتظاركم ياوخياتي