بنات الرياض الفزعه (( كوافيرات شعر )))

السالفه باختصار

انا وحده متعوده بالمناسبات المهمه اجيب يا الكوفيره فريال ميك اب وشعر
او امل المصريه او روز و مها الشريف يوم كانت بالرياض و من هالطقه المبدعه



كان عندي مناسبه امس وقلت بروح مثل هالعالم للصوالين

منها تغيير ومنها توفير (( بس شوي ))

طيب..


حجزت عند صالون جوزيف سعد و ايفا عطالله ميك اب و شعر ب 600 ريال


300 ميك اب عند سعاد السعوديه ..

300 تسريحه عند انطوانيت ..



يعني وفرت على بالي 400 ريال عن فريال


حجزت قبل بخمس ايام و دفعت عربون 300 ريال


قلت للي بالاستقبال انا معي صورة لشغل ايفا عطاالله على سيرين عبدالنور


من اكثر وحده تضبط شغل ايفا ؟

قالت سعاد ماخذه من ايفا شخصيا وهي اللي تضبط انتي بس جيبي الصوره ..

اوكي جاء اليوم الموعود و رحت على موعدي الساعه 7 المساء طبعا

دخلت و دفعت باقي حسابهم

رحت لانطوانيت عجوز الجن وريتها صورة لتسريحه تطير العقل

و بحاول انزل صورتها ..

قالت اي هينه

وخلت الفلبينيه تلف شعري باللفافات و ملت شعري بالموس شي مو طبيعي

خلوني نص ساعه بالسشوار المدور مدري شسمه

صارت الساعه ثمانيه و ربع على ما لفو الشعر و كذا

و ترقعني ست الحسن انسه سعاد ساعه الا ربع << عندها زبونه تسوي لها تشقير

طيب وش دخلني انا ما حجزت وعربنت !! شي يقهر

ما خليت مجله الا وشفتها من الطفش انتظرها تخلص

دخلت عندها على التسعه و شوي

و طلعت صورة سيرين عبدالنور اقول لها شوفي الشدو اللي تحت العين ابي مثل كذا

قالت مو حلو مدري ايش << يمكن ما تعرف تحط الله اعلم
قلت لها اللحين ايفا تدمج بالاصابع ولا بالفرش

قالت لي ماعمري شفتها ؟؟

يؤ يؤ
قلت اللي بالاستقبال تقول انك اخذتي الدورة منها شخصيا
قالت احيانا التلميذ يبدع اكثر من الاستاذ ايه هين
طلعو نصابين لاهو شغل ايفا ولا يحزنون مرززين صور الفنانات ولو تقولين لهم ابي مثل فلانه
سوت لك على كيفهاا

المهم رسمت لي رسمه على مزاجها و خلت حواجبي مثل الفلبينيات خطوط
قلت لها عرضي حواجبي شوي و حطي شدو تحت العين

قالت يالله وراك زباين << ما اعجبها كلامي

طيب انا انرقعت وانا حاجزه مالي حق يعني (( اقوله بقلبي ولا اخاف اقولها تخرب نفسيتها ))

المهم عدلت و من هنا وهنا طلع حليو يعني والله انا اسوي لروحي احلى
احلى ما فيه الاساس طبيعي و مو تلطيخ بس انا كنت جايه لهم ابي شغل ايفاااا ايفاااا ايفااااا

خلصنا و طلعت ل انطوانيت

و تفك اللفافات
والشعر ياااااااااااااابس اتعب اقول يابس << شغل ابو ريالين

و كل شوي تطالع الصوره اللي جبتها معي بزعمها بتسوي نفس الشي

التسريحه اللي انا طالبتها وشي اصلا
كيرلي من ورى بس الاطراف من عند الاذن مشدوده و من الغره نفخ
و من ورى فيه كسرات بالشعر تتضبط بالدبابيس


قامت و رفعت شعري
وكل ما اقول مو كذا ولا عدلي تقول ما هاي هيي زات الشي

سوت تسريحه قديييييييييمه وغبيه و يابسه و مليانه موس + سبراي

والله ما ابالغ شغل غبااااء

طلعت 11 الا ثلث


الله يذكرك بالخير يا امل و فريال
الوحده في بيتها و مستانسه وهم يجون و يخلصون بسرعه

آآآآآه بس يا حسافه الستميه عليهم


بس كتبت هالموضوع عشان اللي مثلي تعودت على ناس محترفه

لا تجازف و ترمي فلوسها على ناس شغلها الله بالخير


:eek: