بنات العين ... الي يربون في توام ؟؟؟ ممكن تتفضلون

مرحبا اختي فطووم
شوفي الصراحه توااام انا ما شفت شي عليه
في الولاده يمكن ثلاث فق راسج اهتمام و رعايه زينه لكن المشكله ما بعد الولاده خصوصا في هذه الفتره ما تلقين غرفه ..
في ولدي من خمس سنين او اقو شوي لقيت غرفه و قعد يمكن 5 ايام لانه ولدي ما كان يرضع ..و خدمتهم كانت زينه
لكن في بنتي الاخيره تقريبا من سنه و نص ..مالقيت غرفه ابدا لا خاص و لا في عام و قعدت في غرفة اولاده فوووق الساعه انتظر غرفه و اخر شي حطوني في غرفه صغيره في قسم الاطفال ..كان شكلي غلط هههههههههههه ..و اول ما تكملين 24 ساعه يطلعونج لانهم في حاجه ماسه للغرف تعرفين الحين ماشالله المرابي زادن ومافي مجال ابدا حتى في الجمعيات
اختي اخر مره ولدت عندهم حطوها في جمعيه ..عاد تخيلي حد يزورج و انتي في جمعيه مش حلوه و ماراح تاخذين راحتج ابداااااااااااااا
انا الحين عندي تامين صحي و اقدر اولد في اي مستشفلى خاص ,,بس بصراحه انا تعودت على توام و احس اني ما اقدر اغيره

هلا الغاليه ..

أنا في بكري .. كنت أريد أربي في توام .. بس أهل زوجي يبوني في الواحه ..
إستخرت ورحت الواحه .. إلا الشهر السادس قام ينزلن علي إلتهابات مع دم .. رحت الواحه
وعطوني حبوب .. قامن الإتهابات وزادن .. وقلت عادي يمكن بدايه العلاج جذي كملت أسبوع
وحالتي يعلم بها الله لا يلسه نفس الناس ولا مشي نفس الناس ..
وبعد أسبوع يانا إتصال من الواحه يقولون .. إنهم عطوني حبوب غلط .. تخيلي أسبوع وأنا أكل حبوب بالغلط ..
وسيييييييييييييده عند غزل تحمليه منها راح كل شي الحمد الله والشكر ..
وبعدها أروح توام عند الإداره وأطلب إنهم يفتحولي ملف .. والحمد الله .. في الولاده يلست 22 ساعه
وكان إهتمام .. وفي الولاده نفسها كانت اللي تولدني أجنبيه وايد حبوبه .. والكل قام يشجعني .. ألين خلصت والحمد الله حصلت غرفه ويلست فيها أسبوع ..

وفي الولاده الثانيه .. كان نفس هالأيام بالضبط .. رحت المستشفى وأنا موصله .. خلال ساعتين ولدت وكانت السستر هنديه وروحه .. بس هاذيك الليله بس ما شاء الله تبارك الله 7 أولاد و4 بنات ..
حطوني في جمعيه من الساعه 4 ألين الساعه 9 .. ريلي وقف إلهم في البلعوم ألين عطوني غرفه والغرف الخاصه كانن كلهن محجوزات لوحده من الشيخات ..

والولاده الأخيره .. كانت حالتي حاله الرحم فاتح 10 سم والويع ما شي راح طار .. والله إن السستر وأربع مساعدات ووحده لبنانيه من الرسبشن .. يلسن تحت يترين .. لا إستعيلن علي و لا طلعن من الغرفه سااااااااااااعه كامله ألين خلصت .. وفي هاذيج الليله أنا وحده بس والدات ... والحمده الله حصلت غرفه بسرعه ..

والحين إن شاء الله بفتح ملف مره ثانيه للبيبي الرابع .. وأنا مؤمنه إذا صار شي من الله .. مووووو من حد ..

والله يسهل عليج يارب .

قافلة الخير كلامج صحيح فعلا في الولاده السسترات ما عليهن كلام من ناحية الرعايه ..
و الله يا بنات اذكر في ولادة ابني الاول كانت وااااااااايد متعسره و قالولي امشي في الممر وكانت كل ما تيني الويعه كانت وحده من السسترات هي لبنانيه تركض علي و تهمز ظهري ..و لما حطوني في الولاده كل ما تيني الويعه تمسك على يدي و انا طبعا كسرت ايديها لاني كنت اظغط عليها بقوووووووووو ههههههههههه الله يذكرها بالخير و يسهل امورها ..
و في النهايه كلها حظوظ احيانا حتى في المستشفى الخاص اطيحين على ممرضات اعوذ بالله الود ودهن يروغنج من الباب و احيانا حكومي تلقين رعايه و عنايه خاصه جدا

هلا خواتي فتون العين وقافلة الخير

مشكورات على الردود ...

بصراحه كلامكم يشجع ...

انا وحده ربيت من سنتين ونص في توام وكنت بكر ... اول ما سرت كانت وحده فلبينيه ما قصرت وياي يلست عندهم بس ما ربيت ... عقبها رديت عليهم فليل وكانت وحده اعوذ بالله حلفت اني ما اربي على ايديها لنها كانت خشنه بسم الله طلعت روحي ... بس الحمدلله ما ربيت ورديت البيت
وفي اليوم الثاني رجعت لهم الساعه 9 فليل وبصراحه حسيت انهم ما قصروا وخص حز الولاده ما اعرف كم وحده كانت وياي في الغرفه بس بصراحه ارتحت من الي ولدتني كانت وايد رحيمه وطيبه وتشجع وما شاء الله ذاك اليوم يمكن ولدت خمس غيري ... وهيه الوحيده الي تولد ... والحمدلله ربيت الساعه 3 وطلعت من عندهم سيده على الغرفه ... الرعايه زينه وكل ساعتين حد يمر عليج .... بس الي حسيته انهم ما يهتمون في الحرمه بعد الولاده يعني محد يخبرج كيف تنضفين الجرح وكيف تهتمين بنفسج ومالج اي مراجعه عندهم الا عقب الاربعين ...

انا الحين فتحت ملف عندهم ... وكنت متطمنه والحمدلله ... بس البنات الي كلمتهم خوفوني يعني حريم والدات مؤخرا وكلهم اشتكون من الخياطه الي بعد الولاده وانها غلط وتعبتهم لدرجة انهن ردن يخيطن مره ثانيه عند غزل وعند فوفو ... وحده اعرفها معرفه خاصه قالت انها يوم راحت عند غزل قالتلها منو ولدج وخبرتها انها وحده من جنوب افريقيا وهيه سودا يعني لون بشرتها ... قالتها لين اليوم مرن علي 7 حريم وكلهن نفس الحاله ... يعني الخياطه غلط ...

فهذا الشي خوفني .... هاي الحرمه مربي من سنه تقريبا ... وما اعرف هل ها القابله موجوده لين اليوم والا لا ؟؟؟

هذا الي خوفني في توام .... عشان جذا افكر اني اراجع في توام بس اولد في الجيمي ؟؟؟ والله يستر

شوفي هو مش دفاعا في توام بس الصراحه في ولادتي الاخيره سويت خياطه لكن ابدا مااحسيت فيها ..