بنات القصيم بكريه ومحتاجه فزعتكم

ليه مااحد رد علي :44:

شوفي الوفاء ممتاز بس لازم تاخذي موعد والا الانتضار تراه يطق الساعه والثنتين
لتعريف فيه( مستشفى نسائي كامل فيه مصلى كفتريا مبسطه كافي وشكولاتات وفطايرلو طولتي بالانتظار )

فيه كذا دكتورات يمدحوهن الناس
عندك سامينا مممممتازه بس الظاهر هي لما بعد الولاده جربتها ولاده وبعد الولاده احسه ممتازه

علاء راجعت عنده من اول حملي الى الولاده وحالتي خاااااصه عندي الدوالي مستشريه من الابهام الى.......... ووعدت هي تولدن لان حالتي خطيره ولازم التوسيع عندي بطريقه خاصه وجيت لما طلعت المويات وكانت مناوبتها وفرحت وطمنتني لاكن ما ولدت الا من بكرى وكانت مناوبة سامينا وصراحه كانت خييييييييره وسعت لي عادي مثل ولاداتي السابقه وكان وضعي سليم بينما علاء كانت تقول ابوسع لك على تحت علشان ماتنفجر عروق الدوالي الي بالمنطقه وكلمت انفجار الحاله كاااااابوس غير كابوس الولاده الله يهديها بس مالومها يمكن كانت مجتهده


علاء تحسين بارده وما تسالك كود انت تجرين الحكي منه

قريباتي يمدحون حوريه بس انا راجعت عنده مره يوم علاء اخذت اجازه ماتعرف عربي بس بشوشه ومعه ممرضه مصريه حبوبه


وفيه من يمدح ساميه بس تراه طبيبه مقيمه يعني مهب لا اخصائيه ولا استشاريه بس يقولون شاااطره

اختي انت استخيري قبل على كل شيء حتى لو انت جازمه على شيء محدد لان الرسول (ص)قال اذا هم احدكم بامر.......)وماقال اذا احتار او تردد مثل ماهو منتشر بين الناس


انا صراحه بحملي استخرت بين الوفاء والحبيب وارتحت للوفاء


واستخرت بين علاء وحوريه ويوم دقيت كانت حوريه باجازه واخذت عند علاء واستخرت قبل اطلع للمستشفى الد والحمدلله كل الاحداث الي جرت على احس اني مرتاحه فيهن واحس انهن افضل الحلول


عاااد بعد كل هالقرق ادعي لي دعوه حلوه

الله يجزاااك خير ويحقق اللي في بالك

بس وحده اللي ردت وين الباقين

طيب الحكومي وش رايكم فيه

فيه احد جرب الولاده بمستشفى المذنب العاااام

مارد علي الاوحده الله يوسع لها دنيا واخره

ووين الباقين ؟؟

ماهقيتكم كذا يابنات القصيم

وش دعوى ترى ماطلبت شي

اختي .....خواتي ثنتين يولدون عند الفريح ويمدحون الولاده عندهم باللحيل عند اماني ,,,,,وزوجت اخوي تمدح نوال .....بس ماانصح المراجعه حقت الحمل عندهم لان اختي راجعت عندهم وكان فيها فقر دم شديد ولا قالو لها واكتشفوها الولاده والاطفال ببريده