بنات الله يوفقكم تعالوا شوي ...قولولي رايكم

السلام عليكم ورجمة الله...


بنات ابي اسوي شيك اب بس ما قد سويت وخبركم دكاترة هالأيام يخوفون..
انا صارلي سنة ونص احس بمتفرقات شكاوي برصها لكم بس مارحت طبيب...
لأني دايم اقول لعمري هذي آثار العصيبة ..لأني بس اعصب اصدع..خاطري يمر علي يومين م غير صداع "أمنية "
ويعورني مفصل او عضلة (تراني ما اتكلم ولا ارد اكل هواء واسكت ...يعني لاتخافون)

اللي مخليني افكر اروح ان مفاصلي تألمني على فترات متقاربة رسغ ايدي اليمين
وأمشاط القدمين وساقي اليمين وكعب رجولي
ظهري كتوفي رقبتي...
اول مرة تعورني كذا... :(يستمر الألم كم يوم ويخف شوي ويرجع
لمى اصحى من النوم عضلات جسمي تعورني وطول اليوم احسها مرهقه
(والله أول ما اصحى خاطري حد يلفني زي الصغار باللفة على كثر ما تعورني )
برمضان من خمس شهور...تعبت وانتفخت عندي الغدد اللمفاوية اللي وراء الأذن واسفل راسي وكنت احس جمجمتي موطبيعيه وعلى رقبتي من جنب بس كانت مره كبيرة...هي خفت بس الى الان موجودة أنا قريت انه اذا ظل الانتفاخ اكثر من 6 شهور الواحد يروح يشيك..
وطبعا مارحت طبيب برمضان على اساس انه انفلونزا بتاخذ دورتها وتروح من غير مضادات

قبل فترة صار تتش بايخ بيني وبين أمي ..وبعدها صرت احس باللي فوق بقوة اضافة الى حبوب بفمي وألم براس المعدة
فصيلة دمي O سالب وعندي رجفة خفيفة بإدي ما اعرف اسببها بس كل اخواني اللي دمهم زي عندهم ماعدا وحده منهم (بسم الله على عمري)



المطلوب
هل عادي اللي انا احس فيه يعني تتوقعون هو ارهاق بس..واذا تعرفون طبيب كويس بالدمام او الخبر بالشرقية تنصحوني اروح عنده انصحوني...اصلا كلي يعورني مادري وين اروح اخصائي ايش ما ادري؟ اذا فيكم من عمل فحص شامل ايش عملولك وطلعتي بنتيجة أولأ


:)