اول شي اشكر صاحبه المعرف خلتني اكتب فيه جزاها الله خير
انا تعبانه
شي
يحير
بحياتي
تكفون لاتبخلون على بالردود والنصايح والدعوات انا اختكم ممكن تاخذون اجر بسبب رد يفرحني او يخليني اتفائل
آه بس ماودي اكبر وانا ماتزوجت ماهمني الرجال نفسه اللي يهمني ابي اصير ام لعيال ينفعوني لاكبرت فيني حنان زايد ابي بنات وعيال اربيهم انشغل فيهم افرح فيهم انا اتأمل زواج زيي زي اي بنت لكن اموري مو راضيه تتيسر اخاف اوصل عمر حرج يقلون الخطاب فيه او مايجيني احد خير شر
انا بمنتصف العشرينات تقريبا 25 بدخل 26 بتقولون عمرك عمر زواج اصبري موب عانس ميخالف
لكن السنين تركض كأني امس فرحت خلصت ثانويه ودخلت العشرين وفرحت وشخطت الدنيا ركضت ركض مادريت الا وانا انتصفت بالعشرين ياربي شلون السنين طايره ماحسيت بعمري تصدقون العشرينات ماحسيت فيها لا 20 ولا 21 ولا 22 للحين اقول شلون ماحسيت بعمري اقول كنت اقول عمري 21 يقولون يابنت دخلتي 22 اقول شلون اصلا امداني ادخل 21 بعدها دخلت 23 ولاحسيت لين اللحين مادري شلون وصلت 26 آه بس سنوات تروح وحنا مو حاسين والله اخاف اغمض وافتح عين الاقي عمري فوق الثلاثين وانا بدون زواج ودي اتزوج وانا صغيره ماودي اتزوج على كبر اخاف مايمديني اجيب عيال اخاف اذا كبروا عيالي اصير عجوز وهم توهم شباب
انا الحمدلله الكل يمدحني وفيني مواصفات مطلوبه وكثير انخطب كثير ماشاء الله والحمدلله اسمع اني بنخطب لكنهم مايناسبوني تدرون وش يصير يتقدمون وارفضهم لانهم مايناسبون لكن اللي ابيهم وبوافق عليهم مايجون رسمي ابد من دخلت20 وانا هذي سالفتي ياخذون الرقم وبس لاحس ولاخبر او يوعدون انهم بيجون ولا اشوف احد كأن شي يمنعهم معنهم شايفيني ومعجبتهم ومتحمسين بس ماشوف احد لو هي مره كان عادي لكن اكثر من مره يمكن اكثر من خمس مرات وخطاب من احسن مايكون كاملين والكامل الله اي بنت تتمناهم شي يضيق الصدر يروح بدون سبب اخرتها هذي السنه اخذوا الرقم لي شهرين اللحين ماشفت احد انا تعبانه نفسيا البنت بدون زواج مايصلح لاتقولون الزواج هم ادري انه هم وشقاء بس كل وحده تتمنى يصير عندها عيال صح عيالك هم سعادتك هم زينه الحياه
انا راضييه بالنصيب بس اخاف اطول وانا على هذي الحاله ناس يبوني ولا يجون كل مره خطوبات فاشله كل مره كل مره يعني تعبت لدرجه الناس واهلي يستغربون من اللي قاعد يصير امي بدت تخاف علي والناس مستغربين اللي يجيبون لي خطاب ينتظرون خبر اتمام خطوبتي لكن للاسف مايتم شي ويستغربون يقولون غريبه
وش اسوي فيه بنت مثلي وتزوجت هل ممكن يكون عين تصرف الزواج او عقوبه او ابتلاء ياربي رحمتك
:06: ساعدوا اختكم ولو بدعوه عسى من تساعدني ربي يكفيها همها وحزنها ويسعدها دنيا وآخره
الله يغفر لنا ولكم كل زله وكل ذنب وشغلنا بطاعته ياحي ياقيوم
جرحوني كثير @grhony_kthyr
عضوة فعالة
يلزم عليك تسجيل الدخول أولًا لكتابة تعليق.
ربي يرزقك بازوج الصالح اللي يخاف الله فيك
وان شاءالله ماتعدي هاالسنه الا وانتي في بيت زوجك
وان شاءالله ماتعدي هاالسنه الا وانتي في بيت زوجك
الصفحة الأخيرة
اول شي اختي اكثر من صلات الوتر واكثري من الصدقة وادعي الله سبحانه ما تتمنينة يقول الله ( ادعوني استجب لكم ) اكثري من الدعاء والاستغفار واخلصي النية لله سبحانه .
و***** الله بيجيكي الفرج بس انت سوي مثل ما قلتك ولا تشيلين هم ابد ويار ب يفرج همك وتتزوجين وتشوفين عيال عيال عيالك ***** الله بس اكثري من الدعاء .