بنات باركوا لي ولدت وتعالوا اعلمكم بتجربتي

هلا فيكم يابنات

الحمدالله رب العالمين ولدت يابنات يوم الثلاثاء الماضي وربي رزقني بولد ربي يحفظه

بس كانت تجربتي صعبة شوي وبقولها لكم

محدد لي عمليتي القيصيريه يوم السبت اللي هو بتاريخ 20 رمضان وطبعا هذي رابع ولاده لي بس بالقيصيريه ثالث ولاده كنت رايحه يوم الاثنين بالليل مراجعه عاديه للدكتور وكشف علي قال خلاص الولاده الصباح حركة الجنين مو طبيعيه .. فز قلبي .. قلت له خليني اروح البيت استعد شوي واخذ احتياطاتي قال لا .. وبنسوي لك شوية تحاليل لو فيها لخبطه العملية فورا .. ودخلني وتحاليل طبعا معي سكر ضغط انيميا حاده بس كنت متابعه وكل شي يمشي حاله
وقرر لي العملية الصباح اللي هي صباح الثلاثاء تاريخ 16 ودخلت غرفة العمليات والمفاجأه يابنات ان الدم وقتها وصل 5
وبوسط الغرفه والخوف ماليني وعيالي ياعويناتي برى يجي الدكتور يقول اجلناها ساعتين محتاجه دم واظل ساعتين بنفس الغرفه وهم يعطوني دم:eek: ونفسيتي زي الزفت لما جا وقت العملية قلت للدكتورة التخدير خلاص مابي ابرة الظهر عطوني بنج كامل يمين يسار انتِ اخذتيها من قبل عندنا قلت خلاص مافيني اتحمل شي ابي بنج كامل وفعلا اخذت البنج الكامل وربي رزقني بولد ربي يحفظه
بس كان ضغط نفسي كبير علي من يوم الاثنين ليلة الثلاثاء الى وقت العملية .. وطبعا بعد العملية مايخفى عليكم الم العملية والجروح والخياطه ... والحمدالله ع كل شي

يابنات الخلاصة انتبهوا للدمكم وربي عمليتي هذي اصعب عملية كله بسبب الدم وانخفاضه وللحين احس بارهاق وتعب .. البارح كان عندي موعد ولازال دمي منخفض حييييل 6 وعليها والضحيه ولدي كله دايخه ومو حوله

الحمدالله ع كل شي ... وربي يسهل ع كل حامل ويرزق كل محرومه :26: