كوبونات الراقية تسجيل الدخول

** ام جوجو**

بنات بروح اجيب سغالتي من المطار الحين وش تنصحوني؟؟

ساعدوني •

هلا خواتي

وش اسوي يابنات اول مرة اجيب شغاله وانا طلبتها ماقد اشتغلت..وش اسوي معاها..؟؟

اخليها تنام وترتاح ولا تشتغل على طول؟؟

بس ترى انا ساكنه مع اهل زوجي وهم عندهم شغاله نفس جنسيتها اندونسييه وبتنام معاها في نفس الملحق انا ماعندي محل بشقتي.. وبتساعدهم بعد بشغل البيت لما انا ماحتاجها..

مدري خواتي وش تنصحوني؟؟

زوجي يقول روحي الحين السوق وجيبي لها ملابس واغراض وبعد لشغاله اهله علشان ماتزعل؟؟

ادري طفشتكم بس مالي غيركم؟؟

يعطيكم العافيه؟؟
4
869

يلزم عليك تسجيل الدخول أولًا لكتابة تعليق.

تسجيل دخول

][§][-~المتغـلية ~-][§][
][§][-~المتغـلية ~-][§][ •



نصيحتي لك وعن تجربه
خليك مررررره طبيعيه وجاده اول ماتجي سلمي عليها وقولي لو سمحتي وحطي يدك على راسها
وادعي " اللهم اسالك خيرها وخير ماجبلت عليه واعوذ بك من شرها وشر ماجبلت عليه "

ودخليها غرفتها واخليها تفتح شنطتها قولي وش معك معاك ملابس تكفي وكذا كانك بس تبين تشوفين اذ ملابسها تكفيها ووش ناقصها ونتي طبعا قلبي بيدك وشوفي وش معها وش مامعها

وقولي لها ارتاحي ورتبي اغراضك وهنا انتي نوم وهناك الحمام وبس واطلعي عنها خليها ساعه ترتاح
هذا اذ جايتك بدري اما اذ وقت متاخر خليها تنام

وارجعي لها بعد هالساعه وخذيها معاك لمكانك وابدي وضحي لها شغلها
هنا كنيس كل يوم هنا يوم ورا يوم هذا حمام غسيل كل يوم بدون ماتخشين بتفاصيل
وهنا مكان ملابس هذي غسيل هنا يعني بس تشوف خريطة المكان وتعرف المكان الي هي مسئوله عن نظافته وترتيبه

ثاني يوم الصباح تصحين معنا وتبدا كنيس تعلمينها اماكن الافياش وكل شي وعلميها طريقتك
بعدها دخليها الحمامات وعلميها طريقتك بغسلهم ويدها بيدك علشان بسرعه تفهم وتستوعب
وبعدها تروح تغسل الملابس وعلميها كل ملابسي متى تنغسل ووش ينحط معها

ووين تنشر ووين تكوى وترتب وتنحط وين ......... الخ

طبعا بالكثير بيخلص شغلها اذ صاحيه 8 الصباح الظهر او بالكثير 2 الظهر وهي خالصه
تتغدا وتقعد مع الشغاله حقت البيت تساعدها بغسل المواعين وخلافه

وربي يكفيك شرها ويعطيك خيرها

ايه بخصوص اللبس اشتري لها قمصان ساتره الاكمام اقل شي للمرفق
واهتمي بالحجاب تلبسه وتغطي شعرها من قدام ومن ورا
ووصيها بنظافه وعطيها شامبو لشعرها وشامبو لجسمها وشوفي اذ معها مقص اضافر وكريم يديم مرطب وغيره ولا اشتري لها
طبعا كل هذا الين تبدا تستلم راتبها تبدا هي تشتري لنفسها ومرااات اشتري انتي لها يعني اقصد لا تعودينها تعتمد عليك بعد ماتستلم راتبها انك تشترين لها الشامبو وغيره من ادوات العنايه والنظافه اما الملابس خليها مسئوليتك خاصة الخارجيه من حجاب وقمصان

واي اسئله ياقمر لا يردك الا كيبوردك :26:


..

.
عاشقة البر
عاشقة البر •
الله يعطيك خيرها ويكفيك شرها
معليشاختي عندي سؤال من متى قدمتيها ومن اي مكتب
لاني انا قدمت من شهر 7 هجري الحين شهر وزياده للحين ماجت ويقولون ان الطيران عندهم فل مافيه حجوزات ؟؟؟؟؟؟؟؟؟؟
** ام جوجو**
** ام جوجو** •
عاشقة البر عاشقة البر :
الله يعطيك خيرها ويكفيك شرها معليشاختي عندي سؤال من متى قدمتيها ومن اي مكتب لاني انا قدمت من شهر 7 هجري الحين شهر وزياده للحين ماجت ويقولون ان الطيران عندهم فل مافيه حجوزات ؟؟؟؟؟؟؟؟؟؟
الله يعطيك خيرها ويكفيك شرها معليشاختي عندي سؤال من متى قدمتيها ومن اي مكتب لاني انا قدمت من...
هلا خواتي

يارب يالمتغليه يوفقك ويخليك لاهلك..ويحققلك اللي تبينه..تسلمين ياعمري بردتي قلبي..

عاشقه البر

والله حبيبتي حنا قدمنا في مكتب النقير من شهرين ونص واليوم اللي جات..
اغلى اشواقي
اغلى اشواقي •
هلا اختي 000لاتعطينها وجه بزياده عامليها باحترام بس لاتفلينها معها وليت تغطينها عن الرجال لان عيونهن زايغه شوي000