بنات تعالو شوفو اللي أنا شفته !!

بنــــــــــــــــــــات اتصدقون أنا من زمان أتصفح هالمنتدى
وعمري ما فكرت افتح منتدى تحفيظ القرآن الشيطان شاطر
كنت افتح منتدى الفتاة المسلمه اما هالمنتدى لا ..




من تقريبا اسبوع بس فتحته قلت أتصفح المواضيع
اتصدقون بنات تميت واييد اقرا واقرا ,,

أرجووووووكم اي بنت تفتح الموضوع تفتح منتدى تحفيظ القرآن عنا بمنتديات عالم حوا
اقرو ما بتخسروو شي ..
http://forum.hawaaworld.com/forumdisplay.php?forumid=118
واشوف بنات ماشاءالله هناك حافظات
ومهتمات بالقرآن ماشاءالله اللي حافظات أجزاء واللي حافظات سور البقرة وال عمران
واللي ماشاءالله عليهم حافظين القرآن كامل ..

اتصدقون بنات وايد اتشجعت اني احفظ القرآن انا قبل بس كنت حافظه اخر جزء وفضائل السور ..

قلت أبا احفظ سورة البقرة وكل يوم احفظ وجه انشاءالله خلال بس شهر وعشرين يوم بحفظها ..

اتصدقون بنات اذا حفظنا كل يوم بس وجه نحفظ القرآن ان شاءالله خلال سنه وعشر شهور ..

والله يا بنـــات الشهور والسنين تركض ونحن ولا نحس بها ربع ساعه او اكثر او حتى اقل يوميا نحفظ منها بتفعنا كثييييييييير بقبرنا وباخرتنا ..

والله من فتره انا وربيعتي نتذكر موقف صار لنا اتقولي اتصدقين هالسالفه من تقريبا 3 سنوات والله يا بنات جنه أمس ..
السنين بسرررررعه تركض ..

انا اتصفح بهالمنتدى من اكثر من خمس سنوات والله احسها كنها ايام ..
يا بنات لا تقولو وااايد الايام بسرعه تطوف ..
بس يوم يطوف يوم ورا يوم ونحن نحفظ يوميا ولو اية من كتاب الله ما نتحسر على السنين اللي مضت لا نها ان شاءالله مضت بعمل خير عظيم وهو حفظ القرآن الكريم .. ..
انا كتبت هالموضوع لاني ولله الحمد استفدت يوم فتحت هالمنتدى والله يا بنات حبيت افيدكم للان الحمدلله حفظت حزب من سورة البقرة والله يعني على حفظ القرآن كامل ..الاهم النيه وربنا بيعينا

انا طبعا كتبت هالموضوع بهالقسم عشان طبعا القرآن فيه شفاء لما فالصدور وان شاء الله حفظ القرآن بشكل يومي طبعا اول شي بينسينا مشاكلنا ونحن نتحفظه وان شاءالله فيه حل لكل مشاكلنا ..