بنات تكفون أبي فزعتكم ( الخدامه وتخريم الملابس ) هل هو سحر

مرحبا
بنات عندنا خدامه سيلانيه كافره صارلها اكثر من سنتين ونص ... كانت تسوي قضوض بملابسي وفتحات ماتخلي لي ولا شي صاحي
والله يبنات لو اشتري شي جديد وتغسله من أول مره ألقاه مقضوض . طبعا الفتحات الي تسويها مختلف الاحجام شي كبير شي صغير ... مره بمقص مره بمقراض اضافر مره ابأبره .... ومرات تفتك ( اتمزعها يعني ) الملابس وتسللها او تمرر الابره ع الملابس بحيث تتسلل .... الملابس السود بس تحط عليهم كلوركس عشان يتغير لونهم .... والله يبنات حت الاشياء الي بداري .. الزوليه الشرشف لعبتي ثوب الصلا ... كلهم كانت تشققهم ... ثوب الصلاه كانت مادري بشنو تغسله في بقعه سوده وريحه خايسه


باقت مني اشياء وايد كل ساعاتي واكسسواراتي وفلوس وغيره


طبعا انا الوحيدة بالبيت الي تسويلي جذي من أول مايت .. وماتسوي حق اي احد ثاني بالبيت هالاشياء ...
معاملتي لها زينه ومن احسن مايمكن ...


طبعا الاكل حدث و لا حرج مادري شنو كانت تحط في لأن بطني طلع فيها مختلف الآلام والاوجاع لمن كنت آكل من اكلها


طبعا انا للاسف ماستوعبت هالاشياء الا متأخر جدااااااا ... كنت ملاحظه بس تقضض الملابس وحاولت اتبع معاها كل الاساليب .. قلت يمكن توقف وتبطل ... بس مانفع


طبعا استوعبت ان الاشياء الي افقدها اهيا تبوقهم متأخر قبل لاتروح بفترة صغيره ..اول كنت عبالي انا اضيع اغراضي ونساهم


والله العظيم يبنات انسانه حقيره ومريضه عذبتني جننتني قسم بالله ... التخريم الي كانت تسوي بملابسي شي يخرع .. مرات كانت تقضض قضوض صغااااااا ضغاار حيل من اول النفنوف او الفستان لي آخره ...
طبعا انا استوعبت متأخر هالأمور وقمت انا اغسل ملابسي وما آكل من اكلها لين طست وراحت
طبعا انا لو الأمر بيدي جان ع طول من شفتها تقضض طلعتها من البيت بس الموضوع مو بيدي


بنات انا خايفه ان هالشي تسوي كنوع من السحر 😔. والله يبنات صرت امرض بطريقه غريبه وكل ما اراجع الطبيب يقولوللي مافيج شي
قامت تييني الامراض والتعب ع فترات متقطعه لين دب فيني المرض مره وحده ...
اكثر شي عذبني اهو ( هوا يدخل براسي وظهري وايدي ورجلي ... ويعذبني احس ماقدر اتحرك الم وعوار ... ولمن اضغط ع مكان الالم ودلكه ... يطلع هوا من حلجي ( اتارع يعني ). مايطلع الهوا من جسمي ولا يخف الا بهالطريقه 😔.


بنات راجعت الاطباء وانا ابجي وحالتي حاله اقولهم انا قاعده اتعذب وشرح لهم حالتي ... يقولولي مافي شي جذي ... ومستحيل يطلع الهوا من الحلج اذا كان بظهر او الراس لان مافي مجرا من البلعوم لي هالاماكن 😔. والله يبنات اقسم بالله العظيم هذا الي يصير معاي


تعذبت من الهوا .. عكر علي حياتي .. والمصيبه ماله علاج .... يخف علي بس اذا سويت مساجات وكاسات هوا وحجامه


انا الحين صارلي ثلاث شهور ع الرقيه الشرعيه .. قاعده اتحسن الحمد الله بس لللاسف الهوا الي يدخل بجسمي ويطلع من حلجي مستمر قاعد يرجع بين فتره وفتره ...


يبنات قسما بالله عذاب ومعانات والمصيبه حت الدكاتره يستنكرون هالشي ويقولولي يمكن شي نفسي ... انا الحمد الله نفسيتي زينه ومافيني شي ولو انا حاسه الشي له علاقه بنفسيه انا اروح النفسي ماعندي مشكله بس والله يبنات الموضوع ماله شغل كلش بالنفسيه


عشان جذي قاعده احاول اساعد نفسي كثر مااقد ر وأحاول ألقه حلول حق وضعي .. قاعده اختم البقره كل يوم واقرا الرقيه واشرب زمزم وماي مقري وزيت مقري وهالامور ...


قاعده افتش ملابسي وطلع كل شي في فتحات وقضوض .. عشان ابي اجمعهم واقرا عليهم عقب احرقهم .... طبعا بنات ملابسي كلها مقضضتهم 😔 لو بقطهم كلهم بتحسف عندي شغلات جديده بس لبسه وحده وغالين حدي متحسفه عليهم ... بس بنفس الوقت افكر اقول الله يعوض علي ان شاءالله يمكن لمن اقرا عليهم وتخلص منهم ... يبطل عملها او سحرها اذا كان هالشي الي تسوي تقصد في سحر ...


انا ماني متأكده شنو المقصد منه هل الايذاء بس ولا تقصد في سحر .... انا الي مخوفني بنات وضعي الصحي الي مدهور وسالفة الهوا الي يدخل براسي وجسمي ... ماني عارفه هذا شنو وليش قاعد يصير معاي جذي


بنات وانا ادور بالنت لقيت موضوع بالمنتدى وحده كاتبه نفس الشي ان خدامتهم تسوي جذي .. بحطلكم الرابط اقرو
https://www.hawaaworld.com/◙_ش...

ودي اعرف هل البنت صار معاهم شي مثلي ( الهوا ) مثلا ... والله يبنات شي مو هين عذاب


مع اني مو من النوع الي يفكر بسحر او هالامور بس وضعي والله يبنات مدهور وماله علاج ولا سبب ... حت نصيبي ورزقي سبحان الله واقف بشكل يخوف
عشان جذي فكرت قلت هالخدامه تذبح عمرها واهيا تسوي هالقضوض معقوله من فراغ ... يعني الاشياء الي تقضها ابئبره هذي اصلا انا ماكنت اتبه عليها الا لمن صرت ادقق ودور الاشياء لمخرمه عشان اشيلها ... فشنو تقصد 😭


ادعو لي عفيه بنات ... وسعادوني .. الي تعرف وحده سيلانيه ياريت تسألها شنو يقصدون بهالفعل ليش يسوونه هل هذا يعني شي عندهم