بنات تكفون وش الاماكن السياحيه بالبحرين؟

كنت باقول لك السيف والدانه .. فيه بعد مجمع العالى .. وعندك جزر حوار .. يمدحونها بس ما قد رحت لها لانها لازم تروحين للنش بدرى الساعه 8 الصبح واحنا بالعاده نروح للبحرين الصبح ونرجع بالليل ... اتمنى البنات يفيدونك ..

وش دعوى يا بنات وينكم ؟؟؟ :(
بنات البحرين وينهم
وبنات الشرقيه الي دايم يروحون
ساعدوني تكفووووووون

up

حبيبتي أنا خبيرة في البحرين بحكم إني من الشرقية

عندك محمية "العرين" راح ينبسطوافيها الأولاد ...

و فيه ملاهي مائية اسمها "جنة دلمون المفقودة " في الصخير .. بس أتوقع الحين برد على الأطفال ..

المطاعم كثييييرة في البحرين
فيه مطعم زيارة أكله مثل الأبراج قريب من السيف أكله بس دائما زحمة خاصة وقت الغدا ...

ومنطقة العدلية كلها مطاعم طبي وتخيري ..

و فيه كورنيش شارع الملك فيصل اللي عند جامع الفاتح هناك بتلاقين مطعم على البحر اسمه كورال بيتش coral beache حلو و قعدته رايقة وجنبه ألعاب للأطفال ..

فيه كوفي شوب و مطعم حلووو و فخم و راقي و رومانسي على طراز الفراعنة اسمه "إيزيس" رحناه قبل ثلاث سنوات بس ما اذكر وين بالضبط موقعه ... ممكن تسألين تاكسي هناك و هو يدلكم ..

بعدي ما خلصت راجعة لك بعد شوي

فيه رحلات بحرية ومشاهدة الدلافين تنظمها النوادي مثل نادي اليخوت في سترة , بس ما جربتها للأمانة ...

فيه شاليهات البندر في سترة اذا حابة تسترخي ..

يوم الخميس الجاي 31 يناير في الخامسة مساء مجمع السيف عندهم مهرجان عائلي كبير بمناسبة مرور عشر سنوات على افتتاح مجمع السيف ...

و راح يفتحون منتزه عين عذاري الجديد "أغلقوه وجددوه" في عيد الأم 21 مارس ...

اذا تحبين الآثار فيه المتحف الوطني و فيه بيوت المحرق القديمة اللي ترجع للقرن التاسع عشرالميلادي ... و اللي حولوها متاحف للزوار مثل بيت سيادي و بيت حسين بن علي ... و فيه القلاع مثل قلعة عراد و قلعة الرفاع ... و بيت القرآن و باب البحرين .. ومسجد الخميس الأثري في غرب المنامة من ايام عمر بن عبدالعزيز ..

و اذا محتاجة نصيحة للفنادق أنا أنصحك بفندق الميركيور اللي عند العالي و السيف راااائع و فخم وموقعه ممتااااااز و ما يحتاج سيارة للمجمع ...

و اذا تذكرت شي ثاني برجع

و بالتوفيق