بنات جده ...................محتاجه شقه.

ياعالم فينكم ...................................... ماعندكم شقق ب 18

قلبي تعرفي سوق طيبة اللي في الصفا خلفه مباشرة في شقة للايجار بالدور الثاني و اعتقد انه حول هالسعر بس يمكن ما تلاقي لوحة لأنه احياناً تطيح اللوحة تلاقي العمارة خلف علب الكهرباء مباشرة اللي بقى من السوق لأنهم هدوه

و في شقة للايجار برضو في الصفا في شارع أم القرى تلفي يمين عند صيدلية عدنان و تمشي على طول الين يقابلك مسجد تلاقي العمارة على يمينك أو على يسارك مباشرة

انا ما أعرف غير في الصفا لأني ساكنه هناك و انا ساكنة بشقة أربع غرف و صالة ب 18 ألف الله يستر لا يزيدوا الايجار بصراحة نفسي أقلع اللي قدامنا جابولي الازعاج و القلق و يسكن أي أحد مكانهم

كثر هرجي سامحيني و اذا شفت أي شي براسلك و على فكرة في محل بس لشقق الايجار على مجرى السيل اللي عند الصيرفي تخصصه ايجار

جزاك الله كل خير................................... والله يهدى جيراك والله ماعندهم ذوق فيه احد يلاقي احد مثلك ويزعجه ان شاء الله يرزقك الله جيران احسن منهم او انك تسكني فله تكون خاصه فيك لا إيجار ولاتعب ...............
وانا ان شاء الله راح امر عليهم كلهم واشوف والله يكتب اللي فيه الخير ..........

الله يسعدك تسلمي عل هالكلام الحلو

و على فكرة لقيت اسم مكتب العقار النورية اللي عنده الشقة اللي قلتلك عليها قدام مسجد اتصلي على السنترال و خذي الرقم قوليهم المكتب في حي الصفا و أعتقد يا في شارع أم القرى أو شارع الشاكرين أما الشقة فمكانها قريب من شارع أم القرى