بنات حااااااااايل بغيتكم بخدمة مستعجلة لاهنتوا

هههههههههههههههههههههههههه

ياحبيلك ضحكني وصفك..

الله يسلمك هالطبخه سههههله بالمره هي عباره عن :

تقطعين بصل وتحمسينه بزيت عادي لين يتغير لونه وتحطين عليه الدجاج مقطع لأربعه اقسام ومنزوع الجلد وتحمسينهم مع بعض وتحطين عليه فلفل اسود وكمون وبهار مشكل وملح وتقلبينهم مع بعض وبعدين تحطين شوي صلصه وبعدين طماط مقطع وتغطين القدر وتقصرين النار لين يذوب الطماط ،
وبعدين تقطعين مكعبات خضار جزر وكوسه بس ماتحطين بطاطس مايصلح معاه وبعدين تحطين عليه ماء وتسكرين القدر ربع ساعه كذا وذوقي الملح وبهالفتره غسلي الرز واحسن نوع التمن العراقي واذا مو موجود رز بسمتي بشاور وبعدين تفتحين الغطاء وتحطين 3قرون-علوب- فلفل وكم حبة ليمون اسود بس تخرمينه قبل وكزبره مقطعه وبعدين كبي الرز عليه بس اهم شي يكون الماء كثير مو زي الرز العادي يعني مثلا كاس الرز له 3كاسات ماء وكل شوت تفتحين وتقلبين ، وتقصرين عليه وتتركينه ياخذ راحته زي ماتسوين مع السليق بالضبط ويقدم بالعافيه،،

يجننننننننننننننننننن مشاءالله ذقت طعم الليمون الاسود ع هالصبح خخخخخخخخخخخخخخخخ

مشاءالله تبارك الله

انا من الرياض مني من حايل والاكله ماعرفها بس خفت من التهديد وقلت ارفع الموضوع ههههههه

تسلمون لي كلكم

الله يجزاكم خير

حنوشة حبيبتي شكرا ع الطريقة ياأحلى شيف ووين ألقى التمن العراقي؟


خواخم أنت ذبت على الريحة ههههههههه


أم جود وجوانا الخوف مليح (حريم مايجون إلا بالعين الحمراء هههههههههه)

أمزح معك ياحلوة الله يرفع قدرك

اذا انتي فالرياض

روحي لسوق الربوه عند محلات العصيمي للمواد الغذائيه

امي كانت تشتريه من هناك لكن الحين مااعرف لان خوالي يجيبونه من ديرته الآن