بنات حصل لي شئ يخوف اليوم تعالو

السلام عليكم ورحمة الله وبركاته

انا الي كتبت من فتره بسيطه موضوع شغالتي تستغفلني وردو علي البنات ردود وتصرفت على حسب طريقتي لكشف الحقيقه المهم شغالتي اول كانت تقدم كل شئ لزوجي الشاهي والماء وتمرح عنده وانا برى البيت والمهم اعترف اني كنت مغفله جدا بعد ماشفت منها مواقف خلتني اشك فيها انها راعية رجاجيل وش سويت صرت اسوي انا الشاي وقدمه لزوجي واجيب له الماء وفهمته معد يطلب منها شئ ابد انا وعياله نخدمه المهم انبسطنا على الشغله وهو بعد تقبل الفكره مرتقريبا عشر ايام على هالحاله رغم اني اخليها بالبيت عنده ماخذتها اذاطلعت بس هو الله يجزاه الف خير صار اذا كنت مو في البيت مايامرها ابد ولا يعطيها وجه واذا بغى شاهي يسويه لنفسه وصار ياقلبي عليه يسوي كل شئ لنفسه
عاد امس صارت بيني وبينه مشكله كبيره وشلت شنطتي بروح لااهلي وجت الشغاله ونزلت الشنطه لي وهي فرحانه اني بطلع من البيت المهم انا صرت افكر ليش هي فرحانه اكيد انها مسويه لي شئ مثل سحر اوبلى المهم قمت توضيت وصليت لي ركعتين وجلست مارحت لااهلي علشان بعد عيالي مساكين رحمتهم ويم جاء الصبح وطلع زوجي من البيت يودي بنتي للمدرسه وتجيني الشغاله وتقول انا يامدام وديني سفر للمكتب انا استغربت لانه مابقي لها تقريبا الا 8 شهور وخلاص قلت لها ليش تروحين المكتب وين المشكله انا مخليتك على راحت وراتبك اول باول ولا عندك في البيت بيبي ليش ماتبينا ردت علي بكل وقاحه انتي ليش زعلانه مني قلت لها من قال اني زعلانه منك قالت انتي مافيه مثل اول الحين انتي خوف على بابا ماتخليني اجيب الشاهي والاكل له ولا صار يناديني :icon33:مثل اول انا علشان كذا ابي بيت ثاني
وصارت تصارخ لازم ودي شغل بيت ثاني قلت لها البيت الثاني مايبغونك وانتي مابقي لك الا 8 شهور قالت خلاص انا اجلس عندهم سنتين مافيه مشكله بس ما اجلس هنا عاد انا انهبلت من ردها وصارت ردت فعلي عليها قويه وتفلت الله يكرمكم في وجهها وهزاتها وقلت انتي منتيب مسلمه لو كنتي مسلمه وش دخلك في الرجال تبينه يكلمك انا اعرف ان الشغالات اذا مابغو يشتغلون يقولون بيت كبير ابغى راتب فيه بيبي كبير لكن انتي عيني عينك ابغى كلام زوج مثل اول قسم بالله انا اكتب لكم وبوهتي طايره ومذهوله مره منها وتعبانه منها شورو تكفون علي وش الحل مع ذا الشغاله الي مافيها خير وش السوات اخليها تروح المكتب وابيعها والا اسفرها وش الحل مع زوجي وش اقوله اقول انها رافضه الشغل تقول ابي اكلمه مثل اول او وش الحل تكفون شورو علي الله حسيبي عليها