بنات حواء الغاليات اتفضلو

السلام عليكم
المعذره بطول عليكم شوي بس الموضوع للفائده
اخواتي دايماً اقراء مشاكل هذا القسم وتحزنني كثير قصص اخواتي المظلومات من ازواجهم بس والله انتم غلطانات واعذروني عارفه ان كل النساء فيهم الغيره فطره بس احنا وصلنا للجنون مو بس غيره الله يهدينا هذولا قريباتي فيه كم وحده منهم متعلقه بزوجها تعلق جنوني وكم وحده بارده جداًًً وكل النوعين مو حلووه اما النوعيه الثالثه الحلووه الرايقه المتفائله اللي يعرفون اولوياتهم في الحياه هذي اللي تجذبني اذا جلستي مع الوحده ماودك تقومين من حلاوة سوالفها ومعرفتها الواسعه الله يحفظهم هذي النوعيه انا اتعلم منهم كثير وامشي ع نفس طريقهم واتغلبت ع ثلاثة ارباع مشاكلي والحمدلله ما اقصد ان ماعندي مشاكل لأن هذا مستحيل بس صار عقلي يستوعب اكثر اوازن بين اموري بدقه والحمدلله اول شي التوكل ع الله وحده كل شي بإيده سبحانه اتقربت لربي اكثر فما احتجت الناس كثير اي مشكله تواجهني ما اقدر احلها واحس الدنيا اتقفلت بوجهي اتوضاء وافرش سجادتي وافضفض لربي اطلع كل اللي بقلبي من خوف وهم وضياع بعد ما اهداء ادعي باللي في قلبي واروح لشغلتي اللي اعشقها الخياطه او شغل البيت او العب مع اطفالي واحفظهم للسور القصيره وانا اردد الاستغفار ولا اله الا انت سبحانك اني كنت من الظالمين والله اني احس بسعاده كبيره وانسى كل همي واخذ لي دش يبرد القلب اتفنن في شعري ووجهي اهم شي ما استسلم ثاني شي الاحاديث النبويه احنا مقصرين فيها كثير والله ان شرحها حلو والاستفسار عن هذي الامور يزيد التعلق بالدين الاسلامي الله يثبتنا عليه ثالث شي امي وابوي الله يسعدهم ولا يحرمني منهم يارب التوفيق مايجي الا ببرهم بعد رضاء الله هذي هي اولوياتنا مو ازواجنا وبس اليوم كله نقابل طلباتهم كأن ماعندنا شي مهم في حياتنا غيرهم نرجع للموضوع اذا نجحت في دروسي او حفظت لي سوره ما انتظر مكافأة احد غير الله اروح اسوي طبق احبه او كيكة وازينها انا واطفالي وناكلها مع بعض والله كذا ماحنحتاج الرجال كثير وبيصير مايستغني عنك ابد ويحترم كلمتك مع العلم ان كل اللي سبق وقلته ما اسويه عشانه ابد اسويه عشان لنفسي علي حق والله اني مو مصدددقه ابداً التحول في حياتي عشان حاجات بسيطه كذا والراحه النفسيه الله يديم علينا نعمه يارب
المعذره ع الاطاله بس حبيت افيدكم