بنات ساعدوني في اختيار الرجيم

كيفكم يابنات وكيف الرجيمات معاكم اللي تدوخ الواحد والله من كثرهم مو عارفة اختار

بغيت اخد رايك بهالرجيمين اللي عجبوني وحاليا ابتديت بالاول من امس بس ما ادري ادا بضعف ولا لا لان وزني 76 كيلو وزوجي مسافر من يومين واحتمال يجي بعد اسبوعين ا و 3 وقبل مايروح يقول لي ابغاش تضعفي وقال لي ادا نزلتي على كل كيلو بعطيك الف ريال وبصراحة هالكلام اثر فيي يعني معناتة لاعية جبدة مني ارجوكم ساعدوني عسى الله يسخر لكم ازواجكم :44::44::44:
هادا الرجيم الاول

بنات زوجة اخوي ما شفتها من 3 شهور تقريبا لاني انا في الرياض وهما في جده وما اروح ابدا الاسبوع الي فات سافرت مع زوجي لجده ورحت ازور اخوي وزوجته
مادري ايش اقلكم يوم فتحت الباب ما عرفتها امي تقول نحفت بس تصورت لدرجه هدي
قلتلها بالله عليكي علميني ايش سويتي خليني اتخلص من 25 كيلو زياده انا وزني 82 كيلو
قالتلي راحت عند دكتوره
واعطتها رجيم بروتيني مشت عليه نقصت في شهر الاول 20 كيلو وفي شهر التاني نقصت 20 كيلو يعني 40 كيلو في شهرين
انا حبدى فيه من بكرى الي تبغى تبدى معي هلا بيها وحكتب وزني كل يومين حقلكم كم نقصت لاني ما اقدر ما اوقف على ميزان 5 مرات يوميا كل ما ادخل للمطبخ حاطه الميزان في الباب اطلع فوقه اشوف يمكن تصير معجزه ولاقي نفسي في 40 كيلو بدل 80 ههههههههههههههههههه
الرجيم هو
فطور يومي
كاس شاي بدون سكر او سكر دايت 2 بيض مسلوق
الغدى يومي ويمكن تغيرين بين 3 اشياء (علبة تونه مصفى من زيت-او-صدر دجاج مشوي-او-2 بيض مسلوق-او-للحم او سمك مشوي)
العشى 2 بيض مسلوق او 3 بياض بيض مسلوق هي تقول كانت تاكل 3 بياض البيض
هدا الرجيم بضبط
انا حبدى فيه من بكرى واردلكم
تقول ادا حسيتي بالجوع الشديد هي كانت تعمل صحن سلطه كبير بالخيار والخص والكرمب وطماطم والفلفل وتحطو في ثلاجه كل ما تحس بالجوع تاكل سلطه
اتمنى اكون افدتكم وراح ابدى فيه من بكرى واقلكم النتيجه عشان افيدكم اكتر
ادعولي ربي يقوي عزيمتي ويسخرلي زوجي
.......................................................
هادا الرجيم الثاني
أخيراً يابنات نزل وزني في 20 يوم 15 كيلو .......


اقول لكم قصتي أنا ما خليت ريجيم ماجربته جربت غصن بان الكويت وما نفع وصار لي مضاعفات بعدة لا وطعمة يلوع الكبد :09: ونصحوني كثير بالحبوب اللي تسد الشهية والله وانا اختكم رحت وشريتها العلبة بـ 200 ونفس الشئ مانفع :06: وجربت ريجيم الشوربة هم مانفع وجربت الريجيم الكيميائي ورجعت دبل بعد ماتركته :44: اهئ اهئ
الين ماحصلت هالريجيم من وحدة تقرب لي من زمان ما شفتها وقالوا لي انها تغيرت صارت رشيقة وانا اعرفها منفوخـــــة عالعموم ماصدقت لين شفتها ضعيييييفة ماتصدقون وعزمت اسوي ريجيمها اللي جابتها من وحدة كانت منفوخة وضعفت عالعموم هالريجيم صار كأنة وصية كل وحدة تعطية الثانية وراحت قريبتي وسئلت دكتورة معروفة في منطقتنا وقالت لها هالريجيم زين أنصحك فيه مع الرياضة طبعاً .... عالعموم أنا سويته 20 يوم طبعاً أول أسبوع تحسين أنج خفيتي بس أنصحك إذا جعتي كلي علك خالي من السكر وفي منه أنواع أنا عني أستخدم علكة نوفا بالنعناع عالعموم نزلت عليه كلن أستغرب ويقولون سبحان مغير الأحوال هالمنفوخة صارت كذا أنا كان وزني 80 صار 65 وكله أشياء موجودة بالبيت وأعذروني طولت عليكم وكاهو الريجيم :27:



السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع الشاهي ولا نقطة هههههه:42: تعذيب صح ) عالعموم اللي يبي الدح مايقول أح ...
الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) :30: + علبة زبادي قليل الدسم كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال ) :o

الأحد . الأفطار . 2 بيضة مسلوقة مع شاي ( بدون سكر الا من سكر الريجيم )
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )

الاثنين . الافطار . بيضة مسلوقة + برتقاله + شاي أو قهوة
الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...
العشا . كوب حليب قليل الدسم ويفضل منزوع + شابورة ( بر ) ...

الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واح من الفاكهة ... ( أنا كنت آكل التفاح ) ......
العشا . لبن قليل الدسم مع توست ( بريد بر )

الاربعاء . الافطار . 7 حبات تمر مع قهوة طبعاً مو شاي
الغدا . دجاج مشوي بدون جلد غير محدود الكمية .
العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية جبنة فيتا قليلة الدسم علشان يلينة ) ...

الخميس . الافطار . مفتوح الغدا . مفتوح
العشا . مفتوح
الجمعة . الافطار . جبن قليل الدسم + 2/1 خبزة + عصير برتقال ...
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ..

عالعموم أنتي بس سوية عشرين يوم يعني أسبوعي و6 أيام = 3 أسابيع وروحي الدوااام وأنتي مستانسة وقولي عذاري ماقالت .. رهيييب واذا حسيتي بالجوع مررة بين الوجبات كلي هوى أقصد كلي تفاحة

وعالعموم أتمنى للجميع الرشاقة وأي استفسار أنا حاضرة بس أهم شي الرياضة أعرف وحدة سوت الريجيم هذا وضعفت بس يبي لها شوية رياضة ........ عالعموم أنا بادية الريجيم اليوم 25 / 6 السبت وهذاني أكل زبادي وبالتوفيق ....................