السلام عليكم ورحمة الله وبركاتة
اليوم الصباح رحت جامعة الاميرة نورة مخرج 9 عشان اشوف ايش صاررررر مع البنات اللي مانقبلووووو
وكان المدخل زحمة مرة ومع ذلك قدرنااا ندخل والله طلعنا بالسيارة فوق الرصيف من الزحمة ونزلني زوجي قريب شوية من مبناء التسجيل والقبول والله زحمة الرجال شي ماهو طبيعي لاني رحت يوم الاربعاء كان فية زحمة لكن ماهو بالشكل هذااا والسيارات توقف وتنزل البنت وتمشي لكن اليوم السيارات ورجال بكثرة عند بوابة التسجيل
ويوم قربت من المبناء الا وصياح الحريم وبعضهم مهعم عصاء وباب المبناء مقفول وهم يصيحون افتحوااا الباب والبنات الموجودات داخل المبناء من الشباك مطلعين رؤسهم يصيحون افتحوا لنا الباب وبعضهم يصورون بالجوال ونا وقفت استوعب الموضوع الا بعض الحريم يقولون افزعوااا لنا يالرجال خلونااا نكسر الباب عاد اخنكم بالله خفت ورجعت لزوجي اقول مصلحين مظاهرات نزل زوجي يشوف وانا بالسيارة يوم رجع اسالة قال فية رجال يقولون العميدة قفلت الابواب عشان ماعد قدرت تسيطر على الوضع داخل المبناء والرجال اللي واقفين برااا فقدو اعصابهم يبغون بناتهم يخرجون من المبناء والله حريم كبار في العمر يصرخون يقولون ليش ما قبلووووا بناتنااا بالجامعة !!!شوية الا رجال الشرطة يدخلون الجامعة والله موقفين سياراتهم برااا عشان مافية مكان من العالم
وخرجناا بالسيارة من الجامعة بعد ساعة عشان الزحمة ومعرف ايش صار لان زوجي رفض نكون قريب من مبناء
التسجيل
ليت المشرفات ماينقلون الموضوع هذا مكانة المناسب اكبر عدد
ياليت احد شاف الموقف يقول ايش صاررررر لالالا تقولون ملقوفة ارجو ما تلوموني بنتي ماانقبلت بالجامعة وفية اعداد بنات بالهبل ماانقبلووووووو
زوجة طيار @zog_tyar
محررة
يلزم عليك تسجيل الدخول أولًا لكتابة تعليق.
الاميرة شمس الصباح
•
سبحان الله وبحمده سبحان الله العظيم
يااختي حتى جامعة ام القرى صار فيها فوضى الاسبوع الماضي تقولي بنت اختي بسبب عدم قبول الطالبات والامهات معترضات الله يعين
نـوجي
•
ماادري
اكره ذي الجامعه فااشله ويمكن عشاني تخرجت منها :(
ماصارت كل من هب ودب قام يصارخ ويسوي مظاهرات والله دنيااااااااا .
اكره ذي الجامعه فااشله ويمكن عشاني تخرجت منها :(
ماصارت كل من هب ودب قام يصارخ ويسوي مظاهرات والله دنيااااااااا .
الصفحة الأخيرة