بنات ضايقة فيني الوسيعة الله يسخر لكم ادعوا لي

السلام عليكم ورحمة الله
بنات مدري وش فيني ضايقة بي الوسيعة أحس هموم على صدري أفكر بحياتي ما زلت في سن الزهور ومطلقة وولدي منحرم من أبوه وكل ما جاء ياخذه عشان يشوفه سوى قصة وقعد يبكي ما يبي يروح
أنا أحسني انظلمت بحياتي كثير ومن أقرب المقربين لي أولهم اخواني اللي ما سألوا عن طليقي وأهله وأطباعهم وبخلهم وزوجوني ومشوا
تزوجت وعشت حياة سعيدة ما أمداني أتهنا إلا أبو طليقي يتدخل بيننا مع أني وربي شاهد علي كنت احترمه زي أبوي ولا يوم غلطت عليه لكن الغيرة على ولده واتهامي إني مسرفة ومتكبرة خلته يجني علي ويطلقني
الكل ما يهتم مني لأني طيبة وأتسامح الكل يغلط علي وأتسامح وأقول من عفا وأصلح أجره على الله
تصدقون حتى أقرب المقربين لي يهضمون حقوقي واسكت بس وش اسوي !!
لكن الناس تشوف الشخص اللي يسامح ضعيف وغبي وصحيح على قولتهم
أحس بنار بصدري ضايقة مرررة والله أن فيني حرقان مثل النار :44:
ماعاد لي خلق نفسي أضحك مجاملة آكل بدون نفس ألبس بدون نفس
جتى ولدي ما عاد لي خلق عليه
أتمنى إني اشيل بقلبي عشان أأدب هالناس اللي ما يخافون الله لكن ما أقدر مو ضعف لا وربي بس إذا شفت الشخص اللي أخطأ علي ارحمه واتركه لله
نظرات الشفقة تقتلني ما أحب أكون موضع شفقة ورحمة :(
الله يسخر لكم أزواجكم ويصلح لكم عيالكم ادعولي ربي يفرج همي وييسر أمري ويسخر لي عبيده
ادعوا لي ربي يسخر لي الجامعة ويوافقون على الموضوع اللي مقدمته كرسالة ماجستير لأن السبت موعد المناقشة
لعل فيكم من إذا أقسم على أبره

أتمنى منكم الدعاء لي واللي ما تبي ترد تدعي من غير ما ترد
اسألكم بالله أن تدعون لي بصلاتكم والله لايوريكم مكروه في عزيز .