بنات عنيزه الشقرديات طلب مساعده

موب معقول ابد

ليتني ساكنه بعنيزه واجاوبك انشالله البنات الشقرديات الي بعنيزه ميقصرون

اسمها كارمن ممتازة اختي مجربتها وكل بنات خالتي يروحون عندها
وفيه سهير بالبركه مره ممتازه انا كنت اراجع عندها عشان الحمل الله يرزقني وفي مستوصف السلام الدكتورة عزة حماتي كانت تراجع عندها وتمدحها كثير
اما مستشفى الوفاء يقولون خدماتهم زينه ومستشفى سعود الظاهر مالك غناة عنه هذا اللي عندي والله اعلم وان شالله يفيدونك البنات اكثر واكثر

هلاااااااااااوغلاااااااااااا بالعامريه

وصبحتس الله بالعافيه

لا يابعد تسبدي وتسبد تسبدي

انا من عنيزه وجذوري بذاك

وامووووت يوم تسبدي صايحه بالكراث ههههههههه

بس يامال فرقاء العين ساكنه بذا بالرياض

طيب يصلح اصير دختوره لتس واقوم بالواجب خخخخخخ

والله مالي علم يابعدي بالطبيبات اللي بذاك

اعرف اللي يسوون الكليجا والمسمنه واللي يبعون كراث

وما ادراك هههههههههه

بس من حبي لعنيزه

واللي يذكر طاري عنيزه اجي تسني ملحوووقه






وتراني ما ولدت الى هالحين توووووووي

الله يهون عليتس بالعافيه وتلقين اللي تبين

ان تسان تبين تصبرين اسأل لتس عماتي وبنات عمي وبنات عماتي

وحريم عيال عمي وحريم عيال عماتي << يعني كل العيله اللي بعنيزه

هههههههههه

بس الله يخلف عليهن مايروحون للدختور الا

اذاواق البزر ههههههههه

دمتي لمن يحبك وأنا أم وأنا أم تأبط شراً منهم

اخيرا احد عطانا وجه الحمد لله..
شدونه ادنننن
ياحبيلك ماقصرتي والله
الله يهون علينا وعليك..
***
ام قصورة
تسلمين يالغاليه على معلوماتك الوافيه..
بس هل فيه احد منهم يولد..ووين تولد..
ماودي اتوهق معهم زي ماتوهقت مع الوفا
الله لايعيدهم..
مشكوره يالغاليه..
***
ام تأبوطه ياتسبديه وشي الاشاعه اللي طلعت
انك ولدتي
ياشين اللي يستهبلون بمثل هالاخبار يعني مالقت تستخف دمه الا
بالكذب الله يعافيه ولايبلانا
تسلمين ياام عبدالرحمن كلك ذوق..ماودي اكلف عليك بما انك بالرياض..
مرورك ييزي عن الدنيا ..
تسلمن يابنات كلكن
وبانتظار المزيد من المعلومات..