بنات كيف النفسية والمعنويات ؟! بعد زواج قوتشي وحفيف

السلام عليكم ورحمة الله وبركاته
أولاً: احمد الله الذي لاإله إلا هو على نعمه علينا التي لاتعد ولاتحصى واولها الإسلام وأخرها وجود اخوات متحابات عفيفات في هذا المنتدى المبارك .
ثانياً: حبيت ابارك لكم جميعاً بزواج الغاليات قوتشي وحفيف الله يسعدهم يارب ويبعد عنهم شر الحساد.

بنات كيف نفسيتكم ومعنوياتكم بعد سماعكم لخبر زواج خواتنا في الله قوتشي وحفيف؟!
بالنسبة لي جداً مبسوطه ومستانسه وطايييييييييييرة من الفرحة والله على ماأقول شهيد ،،، احس إنهم فعلاً خواتي
وغير كذا المعنويات جداً مرتفعة لأن اللي رزقهم بيرزقنا إن شاءالله

بنات أنا صرت اتضايق مرة من كلام خواتنا اللي يتكلموا عن العنوسه ويكونوا جداً محبطات ، من حقهم طبعاً يفضفضون بس خلونا نكون متفائلين اكثر ونلجأ لله في السراء حتى يعرفنا في الشدة ،،، ونذكر قصص ترفع من معنوياتنا مو تحبطنا
ولازم نشغل إنفسنا بالمفيد لأن الفراغ يخلي الوحده توسوس بدليل إن هالمواضيع ماكثرت إلا بوقت الإجازة وقت الملل والفراغ
فيه مواضيع عديدة هنا ترفع المعنويات
مثل موضوع ألف معنى الله يرزقها يارب للآنسات اللي تجاوزا 29 سنة ،،، قريت فيه قصص شي والله تثلج الصدر
كذلك موضوع عن الزواج قسمة ونصيب الظاهر لنور البوادي إذا ماني غلطانة جداً قصص تحفة
وأنا ابشركم وحده من صحباتي عمرها 28 وعرست في هذي الصيفية نصيبها ماجاها إلا الحين سبحان الله
آسفه طولت عليكم بنات بس بغيت كل وحده تذكر لي نفسيتها كيف بعد سماع الاخبار الحلوة ؟
وحبيت انصحكم بكثرة الإستغفار
وأن شاء الله كلنا خلال هالسنة متزوجات ومبسوطات:)