بنات مالي بعد الله غيركم علموني وش الحل

السلام عليكم ورحمة الله وبركاته
والله أني جالسه اكتب لكم من القهر والله جالسه ابكي من كثر ماأنا مقهورة من اللي صار طبعا زوجي يقرب لي وهاذي المصيبه وفي مشاكل طبعا صايره بين الكبار وانا يشهد علي الله ان على كل اللي صار ماغيرت معاملتي مع أهله كل ماشفتهم اسلم عليهم وهو يشوف اهلي بالشارع حتى سلام مايسلم عليهم لدرجة مره نزلني وأبوي كان موجود وصار له مده ماقابله يلتفت عليه ويصد حتى ماكلف على عمره ينزل يسلم وانا ضايقني الموضوع وقتها بس سكت قلت من هو عشان أزعل اذا ماسلم على أبوي مو مهم ومرت الأسابيع وأسبوع اللي راح كان في احد من قرايبه في المستشفى قالي ترا فلان في المستشفى بتروحين قلت له وقتها لا ليش اروح الحمدالله على سلامته ومايشوف شر سكت مع انه والله ان انا كان في نفسي أني اروح وكنت اذا بروح لان زيارة المريض واجب بس بس هو ماخل لي مجال حتى أقوله اي إنسان مايدري عن اهلي من شهور وإذا شافهم مايسلم عليهم كيف هذا انا اروح معاه ومن بعدها وهو متغير علي واليوم جلس يصارخ ويتوعد كله والسبه قلت له بروح حق اهلي جلس يقول ترا مارح تروحين كل أسبوع وبعدها بتشوفين معامله ثانيه وجلس يقول انا ماراح أنساها لج يوم أقولج تروحين معاي المستشفى وتقولين لا قلت له لي نسيت يوم تشوف أبوي وماتسلم عليه انا وقتها سكت وماتكلمت قام وقلب الموضوع علي انتي أصلن حقوده ومن هالكلام قلت له زي ماأنت اهلك عزيزين وغالين عليك حتى انا اهلي عزيزين وغالين علي قام يصارخ ومدري إِيش وانا تعبت ومليت صارحه إنسان اناني مثله ماشفت ولا بشوف والله يابنات فوق معاملته البايخه ذي مع اهلي لدرجة أوقات يجيني يطلبني ادبر فلوس من اهلي وانا أقول ماعليه مهما كان هذا زوجك محتاج لك كنت اتسلف له من اهلي وأعطيه واهله اذا راح يطلب منهم يلعبون فيه لعبه ليه وين فلوسك ومن هالكلام وبيني وبينه ولد دلوني على حل انا تعبت والله تعبت دموعي مو راضيه توقف من القهر واللي يقهرني اكثر أني أقوله ذاك اليوم انت تشوف أبوي وتصد يلف ويدور بالكلام انه هو مو غلطان انتي غلطانه والله أني تعبت حتى أني مااقدر اشكي لها لأَنِّي مابي أضيق صدرها حتى مصروف مايصرف علي زي الناس يعني بالقطاره الشهر اللي راح عطاني 100 يقول لي دبري نفسج فيها قلت له وش تسوي ماتسوي شي جلس يصارخ وانا ماعندي وهو عنده ويقدر يعني اكثر بس الله حسيبه حتى الحين احس حالي أني أكرهه مدري وش أسوي