بنات ممكن تردون ضروري على محتاجه نصيحه او ترفعون الموضوع

السلام عليكم بنات :
انا سبق طرحت بداية المشكله هنا
الموضوع السابق ( بدايه المشكله ) 👉

اقراء الموضوع الأول قبل تكمل هنا عشان تفهمون المشكله كامله :
المهم بعد صبر على زوجي طويل لمدة شهر من الهجران بلا سبب ولا زعل بيننا نهائي .. رحت شكيت على أهله و طلبت منهم واسطة خير للاصلاح بيننا ..
لكن هو وعدهم بأنه بيرجع لبيتي عقب يومين او ثلاثه
وضليت أسبوع أنتظره وأساله متى راح يأتي للبيت ؟!
وهو كل يوم يأجل الموضوع بحجه جديده
تعبت وذهبت لأهلى ( طبعا زوجي يكون ولد عم ابوي ) من العائله .. وجلست عند أخي بحكم ان ابوى مطلق امي ويسكن عند زوجته الثانيه .. وجلست أنتظره ثلاث أيام وأقول تعال نتفاهم لا تخرب بيتنا ..
ولكنه رفض المجئ .. تعبت وكلمت أبوي وعلمته بالسالفه كلها .. قال لى أبوى : خلك عند أخوانك جالسه وأنا سوف اكلمه وحط حد للموضوع هذا ..
لاني اخبرت أبوي انه زوجي يقول أرجعي للبيت واجلسي مع عيالك وما راح أجي لك ( وغضب أبوي وقال انه مو على كيفه يقول كذا و بيحل الموضوع لك ..
علمت زوجي انا خبرت أبوى .. وان الموضوع خلاص طلع من يدي و أنه هو اللي غصبني على هالشيء اللي ماأبيه
انا حرمه ابي حقوقي و يومي مثل زوجته بالضبط
لن أصبر على هالحال هذا !!
المهم :
هو يقول أنه مايدري وش فيه ؟ وانه اذا دخل للبيت عندي يحس بالضيق و كان شيء كتم على نفسه ولا يرتاح و تعب وهو يقاوم هالشيء وما أستطع ..
ولا اعلم هل هو حسد او عين او ماذا
اللي أصابه فجاءه بلا سبب !!
----
طلبت منه الذهاب للرقي ورفض
زوجي لا يصلي الا برمضان هداه الله
طلبت منه ان نغير شقتنا ممكن نرتاح ورفض
وماأدري أيش أسوى معها ..
انا ماودي أتطلق .. وترك اولادي
وبنفس الوقت من سابع المستحيلات أعيش معه يوم واحد وهو على حاله هذا وما استطيع الصبر ابدا
أبي حل يا بنات
ولا دعوه صادقه با أصلاح الحال والله يهديه لى ولأولدنا
انا حامل دخلت بالشهر السادس الآن .. وعندي ٣ اولاد
بنت ١١ سنه ، وولدي ٩ سنوات ، ولدي الصغير ٧ سنوات ..
مدري وش أسوى بحالي مقدر أطنش الموضوع وأسكت أو أصبر على هذا الوضع ..
أتمنى منكن الأجابه