بنات من جاها هالأعراض مثلي من بعد الجلوكوفاج ؟!

السلام عليكم
اسأل الله ان يرزقني ويرزقكم بالذرية الصالحة ..
انا سبق وكتبت موضوع عن تحاليلي :
https://www.hawaaworld.com/showthread.php?t=451586...
ومعي تكيسات بسيطة ،،
طبعا آخذ جلوكوفاج ثلاث مرات باليوم لكن يا بنات سبب لي غثيان وبطني بس يوجعني مع اسهال و ادوخ منه وبس ابي انام .. حتى صرت احرص آخذه بعد ما آكل بس علشان اتجنب هالأعراض !
تعبت منه مع اني اخذ معه حامض الفوليك ..
والله قبل لا آخذه واعرف اني فيني تكيسات كنت نشيطه بشقتي وانظف وارتب واهتم بس الحين مع هالأعراض صرت بس طايحه وابي انام بس عشان اهرب من الغثيان والاسهال ... والدورة احسها مو غزيره مره ..
المهم اللي عندها خبره الى متى استمر عالجلوكوفاج ؟!!
لأن الدورة القادمة بروح اعيد تحليل هرموناتي واشوف تعدلن او لا ..
انا مهمومة ولي ثلاث ايام ماقدر انام زين من التفكير ، اخاف اتأخر بالحمل وساعات افكر ان زوجي مايصبر ويتزوج علي ، مدري افكار سوداويه تجيني عجزت اتخلص منها والله المستعان ..
بنات جد يعني التكيسات يختفن بالعلاجات ولا خلاص ماعاد يروحن ابدا ؟؟!
ادعوا لي يا بنات قسم بالله عجزت انام من التفكير